Num 1 | BxrBBL2024 | STEP | Израильшуудай Египедэй газар дайдаһаа гаража ошоһонһоо хойшо хоёрдохи һарын нэгэдэхи үдэр, Синайн сүл губида майхан һүмэ соо Эзэн Моисейдэ иигэжэ айладаба:

‏ Numbers 1

Моисей израильшуудые бүридхэн тоолобо

1 Израильшуудай Египедэй газар дайдаһаа гаража ошоһонһоо хойшо хоёрдохи һарын нэгэдэхи үдэр, Синайн сүл губида майхан һүмэ соо Эзэн Моисейдэ иигэжэ айладаба:

2 – Израилиин ниитэ бүхы зоной, тэдэнэй бүхы эрэшүүлые нэрээрнь гэр бүлөөрнь, угаарнь тооложо тооень абагты; 3 Аһароон та хоёр Израилиин сэрэгэй алба хэжэ шадаха, хори наһанһаа дээшэ наһатай бүхы эрэшүүлэй тоое, сэрэгэй бүлэг бүлэгөөрнь тоологты. 4 Таанадта обог бүхэнһөө нэгэ хүн – энэ обогой угуудай толгойлогшо туһалха. 5 – 6 – 7 – 8 – 9 – 10 – 11 – 12 – 13 – 14 –

15 Таанадта туһалха зоной нэрэнүүд гэбэл, иимэ:

Обогууд	Угууд	Толгойлогшонор
Рэүбээнэй	Шэдэһүүрэй хүбүүн	Элицүүр,
Симеоной	Цуришаддайн хүбүүн	Шэлүмиһээл,
Иудын	Амминадаабай хүбүүн	Нахшоон,
Иссахаарай	Цуһаарай хүбүүн	Нэтанээл,
Зэбүлүүнэй	Хэлооной хүбүүн	Элиааб.

Иосифой хүбүүдэй:
Эпрааимай	Аммиһүүдэй хүбүүн	Элишамаа,
Мэнашшээгэй	Пэдэцүүрэй хүбүүн	Гамалиһээл,

Бэньямиинэй	Гидеоной хүбүүн	Абидаан,
Даанай	Аммишаддайн хүбүүн	Ахиээзэр,
Ашээрэй	Охраанай хүбүүн	Пагиил,
Гаадай	Дэүһээлэй хүбүүн	Элиасаап,
Напталиигай	Энаанай хүбүүн	Ахираа.

16 Эдэнэр арад зондоо хүндэтэй зон, обогуудай ударидагшад, Израилиин мянган сэрэгэй дарганар болоно. 17 Моисей Аһароон хоёр нэрээрнь нэрлэһэн эдэ обогуудай толгойлогшонортой хамта 18 хоёрдохи һарын нэгэнэй үдэр бүхы ниигэмые суглуулжа, тэдэниие обог обогоорнь, уг угаарнь, гэр бүлөөрнь тоолон нэрлэжэ, сэрэгэй албанда ябажа шадаха хоринһоо дээшэ наһатайшуулайнь хамтын тоое тус тустань тоолон гаргажа бүридхэбэ. 19 – 20 – 21 – 22 – 23 – 24 – 25 – 26 – 27 – 28 – 29 – 30 – 31 – 32 – 33 – 34 – 35 – 36 – 37 – 38 – 39 – 40 – 41 – 42 – 43 – 44 – 45 –

46 Моисей, Аһароон, Израилиин арбан хоёр обогой удамаршад Синайн сүл губида тогтон байрлаһан Израилиин арбан хоёр эсэгэнэрэй үри саданарые үе үенүүдээрнь, гэр бүлэнүүдээрнь, бүхы эрэшүүлэйнь нэрэнүүдые Эзэнэй зарлигаар нэрлэжэ, сэрэгэй албанда ябажа шадаха хоринһоо дээшэ наһатайшуулайнь хамтын тоое обог обогуудаарнь тоолон иигэжэ гаргаба:

Отогууд	Хоринһоо дээшэ наһатай эрэшүүлэй тоо
Рэүбээнэй	46 500
Симеоной	59 300
Гаадай	45 650
Иудын	74 600
Иссахаарай	54 400
Зэбүлүүнэй	57 400
Эпрааимай	40 500
Мэнашшээгэй	32 200
Бэньямиинэй	35 400
Даанай	62 700
Ашээрэй	41 500
Напталиигай	53 400
	Хамта: 603 550

47 Левиин обогой уг гарбалтай эрэшүүл израильшуудай хамтын тоо бүридхэлдэ ороогүй. 48 Эзэн Моисейдэ иигэжэ айладаба:

49 – Левиин үе залгамжалагшадые энэ тоо бүридхэлдэ бү оруула, израилиин эрэшүүлтэй хамта бү тооло, 50 гэбэшье левидүүдтэ Гэршэлгын майхан һүмэ, тэрэ һүмэдэ хабаатай бүхы юумэнүүдые болон хэрэгсэлнүүдые даалга. Тэдэнэр майхан һүмэ, тэрэнэй бүхы хэрэгсэлнүүдые абажа ябаг, тэрээниие хамгаалжа, майхан һүмэ тойрон хотон хүреэнүүдээ бариг. 51 Нүүхэдээ, левидүүд майхан һүмэеэ задалан хуряаг, байрлан тогтоһон газартаа майхан һүмэеэ татаг. Хэрбэеэ ондоо хүн эдэ бүгэдые хэбэл, үхэхэ. 52 Израильшууд сэрэг сэрэгүүдээрээ өөрынгөө тугтаяа хамта өөһэд өөһэдынгөө хотон хүреэнүүдтэ байха ёһотой. 53 Израильшуудта гай тодхор ушархагүйн тула левидүүд Гэршэлгын майхан һүмын хажууда хотон хүреэнээ баряад, Гэршэлгын майхан һүмэеэ харууһалан харуулда зогсохо ёһотой.

54 Израильшууд Эзэнэй Моисейдэ зааһан зарлигыень түгэс дүүрэн дүүргэбэ.