Num 2 | BxrBBL2024 | STEP | Эзэн Моисей Аһароон хоёрто иигэжэ айладаба:

‏ Numbers 2

Хотон хүреэнүүдээ яагаад табиха тухай

1 Эзэн Моисей Аһароон хоёрто иигэжэ айладаба:

2 – Израильшууд Суглаанай Майхан һүмые тойруулан, өөһэд өөһэдынгөө угай тугуудай дэргэдэ, гэр бүлэнүүдэй тэмдэгүүдэй дэргэдэ хотон хүреэнүүдээ бариха ёһотой.

3 – 4 – 5 – 6 – 7 – 8 –

9 Урдуур, зүүн зүгтэ Иудын сэрэг бүлэг бүлэгөөрөө зогсохо. Тэдэнэй удаа дараа дараагаар иимэ обог сэрэгүүд оршохо:

Отогууд	Сэрэгэйнь дарганар	Сэрэгшэдэйнь тоо
Иудын	Амминадаабай хүбүүн Нахшоон	74 600
Иссахаарай	Цуһаарай хүбүүн Нэтанээл	54 400
Зэбүлүүнэй	Хэлооной хүбүүн Элиааб	57 400
	Хамта: 186 400

Эдэнэр түрүүлэн ябаха.

10 – 11 – 12 – 13 – 14 – 15 –

16 Майхан һүмын урда талада Рэүбээнэй сэрэг бүлэг бүлэгөөрөө тогтохо.

Отогууд	Сэрэгэйнь дарганар	Сэрэгшэдэйнь тоо
Рэүбээнэй	Шэдэһүүрэй хүбүүн Элицүүр	46 500
Симеоной	Цуришаддайн хүбүүн Шэлүмиһээл	59 300
Гаадай	Рэүһээлэй хүбүүн Элиасаап	45 650
	Хамта: 151 450

Эдэнэр тэдэнэй һүүлээр тогтон байрлаһан газарһаа ябаха ёһотой.

17 Аян замда гарахада, Суглаанай Майхан һүмэ ба левидүүдэй хотон хүреэн бусад хотон хүреэнүүдэй тэгэн дунда ябаха болоно. Тогтон байрлагша шэнгеэрээ аян замда гарахадаа, хотон хүреэн бүхэн өөр өөрынгөө тугай дэргэдэ ябаха ёһотой.

18 – 19 – 20 – 21 – 22 – 23 –

24 Майхан һүмын баруун талада Эпрааимай сэрэг бүлэг бүлэгөөрөө тогтог.

Отогууд	Сэрэгэйнь дарганар	Сэрэгшэдэйнь тоо
Эпрааимай	Аммиһүүдэй хүбүүн Элишамаа	40 500
Мэнашшээгэй	Пэдэцүүрэй хүбүүн Гамалиһээл	32 200
Бэньямиинэй	Гидеоной хүбүүн Абидаан	35 400
	Хамта: 108 100

Эдэнэр урдахи хоёр хотон хүреэнүүдэй байраһаа хүдэлһэнэй һүүлээр тогтон байрлаһан газарһаа ябаха ёһотой.

25 – 26 – 27 – 28 – 29 – 30 – 31 –

32 Майхан һүмын хойто талада Даанай сэрэг бүлэг бүлэгөөрөө тогтог.

Отогууд	Сэрэгэйнь дарганар	Сэрэгшэдэйнь тоо
Даанай	Аммишаддайн хүбүүн Ахиээзэр	62 700
Ашээрэй	Охраанай хүбүүн Пагиил	41 500
Напталиигай	Энаанай хүбүүн Ахираа	53 400
	Хамта: 157 600

Эдэнэр тугуудаа баряад, бултанай һүүлдэ ябаг. Бүхы обогуудай сэрэгшэд хамта дээрээ 603 550 хүн.

33 Эзэнэй Моисейдэ айладаһан зарлигаар левидүүд израильшуудтай хамта тэдэнэй тоо бүридхэлдэнь ороогүй юм.

34 Израильшууд Эзэнэй Моисейдэ айладаһан зарлиг дүүргэжэ, өөһэд өөһэдынгөө тугууд доро обог обогуудаараа, гэр бүлэнүүдээрээ, эсэгэ эсэгынхидээрээ хубааран, бултадаа хамта ябаа юм.