‏ Numbers 26

Арад зоноо хоёрдохиёо тоололго

1Үхэл тахалай үнгэрхэдэ, Эзэн Моисейдэ болон Аһарооной хүбүүн санаарта Эльазаарта иигэжэ айладаба:

2– Израильшуудые уг угаарнь тоологты. Хоринһоо дээшэ наһатайшуулые тоологты. Израилиин сэрэгэй алба хэжэ шадаха бүхы эрэшүүлыень тоологты.

3Ерихоон тушаа сэхэ урдань байдаг Иорданай хажуудахи Моһаабай тала газар дээрэ Моисей ба санаарта Эльазаар арад зондо иигэжэ хэлэбэ:

4– Эзэнэй Моисейдэ айладаһан зарлиг дүүргэжэ, Египедһээ гаража эндэ ерэһэн хоринһоо дээшэ наһатай бүхы эрэшүүлэй тоое бүридхэн гаргагты.

5Рэүбээн болбол Израилиин ехэ хүбүүн мүн. Рэүбээнэй хүбүүд: Эноохһоо – Эноохой ураг, Паллууһаа – Паллуугай ураг, 6Хэцроонһоо – Хэцрооной ураг, Хармииһаа – Хармиин ураг эхилнэ. 7Эдэ бүгэдэ Рэүбээнэй ураг болоно. Рэүбээнэй обогой урагуудай бүхы эрэшүүл 43 730 хүн болоно.

8Паллуугай хүбүүн Элиааб. 9Элиаабай хүбүүд: Нэмүһээл, Датаан болон Абираам болоно. Датаан Абираам хоёр Коорахай тала баригшадтай хамта Моисейн, Аһарооной болон Эзэнэй һургаал номнолдонь эсэргүү харша буһалгаа эмхидхээ бэлэй. 10Тиихэдэнь Эзэн Коорахые болон тэрээнтэй үгэеэ үгэлсэгшэдые хэһээжэ, газар гантаагаад, тэдэниие амидыгаар газар доро булаа бэлэй. Тиигэжэ 250 хүн үхөө һэн. Иигэжэ тэдэ бусадта һэргылэлтэ болоо. 11Гэбэшье Коорахай гэр бүлынхид амиды үлөө һэн.

12–

14Эдэ бүгэдэ Симеоной обогой урагууд. Тэдэнэй бүхы эрэшүүл 22 200 хүн болобо.

15– 16–

18Эдэ бүгэдэ Гаадай обогой урагууд байгаа. Тэдэнэй бүхы эрэшүүл 40 500 хүн болобо.

19Иудын Ээр ба Онаан хоёр хүбүүд Ханаһаанай газар дайда дээрэ наһа бараа юм.

22Эдэ бүгэдэ Иудын обогой урагууд байгаа. Тэдэнэй бүхы эрэшүүл 76 500 хүн болобо.

23–

25Эдэ бүгэдэ Иссахаарай обогой урагууд байгаа. Тэдэнэй бүхы эрэшүүл 64 300 хүн болобо.

27Эдэ бүгэдэ Зэбүлүүнэй обогой урагууд байгаа. Тэдэнэй бүхы эрэшүүл 60 500 хүн болобо.

28Иосиф Мэнашшээ Эпрааим гэжэ хоёр хүбүүтэй байгаа. Хүбүүн бүхэнэйнь обогһоо өөһэдынь урагууд үргэлжэлөө юм.

30– 31–

33Хээпэрэй хүбүүн Цэлопэһаад хүбүүдгүй, харин Маһлаа, Ноһаа, Хоглаа, Милкаа, Тирцаа гэжэ басагадтай байгаа. 34Мэнашшээдэ иимэ урагууд байгаа. Тэдэнэй бүхы эрэшүүл 52 700 хүн болобо.

35–

37Эдэ бүгэдэ Эпрааимай обогой урагууд байгаа. Тэдэнэй бүхы эрэшүүл 32 500 хүн болобо.

Булта эдэнэр Иосифой обогто оронод.

38–

41Эдэ бүгэдэ Бэньямиинэй обогой урагууд байгаа. Тэдэнэй бүхы эрэшүүл 45 600 хүн болобо.

43Шухаамай урагай бүхы эрэшүүл 64 400 хүн болобо.

46Ашээрэй басаган Сээраа гэжэ нэрэтэй байгаа. 47Ашээрэй обогой урагууд иимэ байгаа. Тэдэнэй бүхы эрэшүүл 53 400 хүн болобо

48–

50Эдэ бүгэдэ Напталиигай обогой урагууд байгаа. Тэдэнэй бүхы эрэшүүл 45 400 хүн болобо.

51Тиихэлээрээ Израилиин бүхы эрэшүүлэй тоо 601 730 хүн болобо.

52Эзэн Моисейдэ иигэжэ айладаба:

53– Үе дамжан залгамжалагдаха хубаариин газарнуудые эдэ нэрэнүүдэй тоогоор хубаарилха ёһотойт. 54Хэн олон үри хүүгэдтэй гэр бүлэтэйб, тэрээндэ ехэ газар, хэн үсөөн хүүгэдтэй гэр бүлэтэйб, тэрээндэ бага газар үгэ. Тоо бүридхэлдэ ороһон гэр бүлынхидэй тоодонь тааралдуулжа, уг гарбалайнь ураг бүхэндэ хубаарита газар үгтэхэ ёһотой. 55Жээрэб хаяжа хубаариин газар хубаарилагдаад, урагай ахамад эсэгэнэрэй нэрээр тэдэ хубаариин газарнууд нэрлэгдэхэ ёһотой. 56Олон ба үсөөн хүнүүдтэй гэр бүлэ бүхэндэ хубаариин газар жээрэб хаялгаар хубаарилагдаха ёһотой.

57Мүн баһа левит обогой зон тоологдоо. Левиин обогой урагууд: Гэршоонһоо – Гэршооной ураг, Кэһаадһаа – Кэһаадай ураг, Мэрарииһээ – Мэрариин ураг эхилнэ.

58Мүн баһа Левиин урагууд: Либниигэй ураг, Хэброоной ураг, Маһлиин ураг, Мушиин ураг, Коорахай ураг. Амраам Кэһаат эсэгэтэй мүн. 59Амраамай һамган бологшо Левиин басаган Ёхээбэд гэжэ нэрэтэй байгаа. Тэрэ Египедтэ түрэһэн Левиин басаган бэлэй. Тэрэ Амраамда Аһароониие, Моисейе, тэдэнэй дүү басага Мириамые түрэһэн байна. 60Аһароонһоо Надааб, Абиһуу, Эльазаар, Итамаар түрөө юм. 61Гэбэшье Эзэнэй урда хариин гал үргөөд, Надааб Абиһуу хоёр үхэһэн байна. 62Нэгэ һараһаа дээшэ наһатай бүхы левит эрэшүүлэй тоое бүридхэн абахадань, тэдэнэр 23 000 хүн болобо. Гэбэшье тэдэнэр израильшуудай хамтын тоо бүридхэлдэнь ороогүй, Эзэнэй үгэһэн хубита газарта хүртөөгүй юм.

63Моисей ба санаарта Эльазаар хоёр Ерихооной сэхэ урдань байдаг Иорданай хажуудахи Моһаабай тэгшэ газар дээрэ байхадаа бүхы израильшуудай тооень бүридхэн абаа һэн. 64Олон жэлэй урда тээ Синайн сүл губида Моисей ба санаарта Аһароон хоёр бүхы израильшуудые тоолоо бэлэй. Теэд тэдэ хүнүүд булта үхэжэ, тэдэнэй нэгэнииньшье амиды үлөөгүй юм. 65Ушар юуб гэхэдэ, тэдэнэрые булта сүл губида үхэхэ гэжэ Эзэн айладаһан байгаа. Гэбэшье Епуннээгэй хүбүүн Халээб, Нүүнэй хүбүүн Иисүүс хоёр лэ амиды үлөө һэн.