‏ Numbers 29

Бүреэнүүдэй һайндэр

1Долоодохи һарын эхин үдэр таанад сугларжа, һайндэрлэхэ ёһотойт. Энэ үдэр ямаршье ажал бү хэгты. Энэ үдэр бүреэнүүдые үлеэхэ үдэр. 2Эзэндэ аятай һайхан хангал үнэр гарган, түгэс шатаалта үргэлдэ нэгэ буруун буха, бэеэ хүсэһэн нэгэ хуса, долоон эрэ хурьга асаржа үргэгты. Тэдэтнай эрэмдэг бэшэ байха ёһотой. 3Тэдэнэйнгээ хажууда иимэ үргэлнүүдые асарагты: буруун буха бүхэнэйнгөө үргэлдэ оливын тоһо холиһон эфаагай арбанай гурбан хуби шэниисын гурил, хуса бүхэнэй үргэлдөө эфаагай арбанай хоёр хуби шэниисын гурил, 4эрэ хурьган бүхэнэйнгөө үргэлдэ эфаагай арбанай нэгэ хуби гурил, 5Нүгэл сагааруулгын үргэлдэ нэгэ тэхэ таанад үргэгты. 6Шэнэ һарын эхиндэ ба үдэр бүри үргэдэг түгэс шатаалта, таряа талханай, сэржэмэй үргэлнүүдһээ гадуур эдэ үргэлнүүдые хуулиин ёһоор бүтээгты. Эдэ үргэлнүүдэйтнай аятай һайхан хэншүү үнэр Эзэндэ һайшаагдаха.

Арюудхалгын үдэр

7Долоодохи һарын арбанай үдэр таанад сугларжа, һайндэрлэгты. Энэ үдэр масаг баригты, ямаршье ажал бү хэгты. 8Эзэндэ аятай һайхан хангал үнэр гаргахаяа түгэс шатаалта үргэлдэ гэжэ иимэ үргэлнүүдые асарагты: нэгэ буруун буха, бэеэ хүсэһэн нэгэ хуса, долоон эрэ хурьга. Эдэтнай эрэмдэг бэшэ байха ёһотой. 9Тэдэнэйнгээ хажууда иимэ үргэлнүүдые асарагты: буруун буха бүхэндэ оливын тоһо холинхой эфаагай арбанай гурбан хуби шэниисын гурил, бэеэ хүсэһэн нэгэ хуса бүхэндэ эфаагай арбанай хоёр хуби шэниисын гурил, 10эрэ хурьган бүхэндэ эфаагай арбанай нэгэ хуби шэниисын гурил. 11Саг үргэлжэ тахидаг түгэс шатаалта, талхан, сэржэм үргэлнүүдһээ гадуур Арюудхалгын үдэр нүгэл сагааруулгын үргэлдэ нэгэ тэхэ үргэхэ хэрэгтэй.

Майхангуудай һайндэр

12Долоодохи һарын арбан табанай үдэр таанад сугларжа, һайндэрлэхэ ёһотойт. Таанад ямаршье ажал хэнгүй, Эзэнэй һайндэрые долоон үдэрэй туршада тэмдэглэгты. 13Эзэндэ һайшаагдадаг, аятай һайхан үнэр гарадаг түгэс шатаалта иимэ үргэлнүүдые асарагты: арбан гурбан буруун буха, бэеэ хүсэһэн хоёр хуса, арбан дүрбэн эрэ хурьга. Тэдэнэртнай эрэмдэггүй байха ёһотой. 14Тэдэнэйнгээ хажууда иимэ үргэлнүүдые асарагты: буруун буха бүхэндэ оливын тоһо холинхой эфаагай арбанай гурбан хуби шэниисын гурил, бэеэ хүсэһэн хуса бүхэндэ эфаагай арбанай хоёр хуби шэниисын гурил, 15эрэ хурьган бүхэндэ эфаагай арбанай нэгэ хуби шэниисын гурил. 16Нүгэл сагааруулгын үргэлдэ нэгэ тэхэ асарагты. Тэрэтнай ходо үргэдэг түгэс шатаалта, талхан болон сэржэм үргэлнүүдһээ гадуур үргэл болоно.

17Хоёрдохи үдэр ямаршье эрэмдэггүй арбан хоёр буруун буха, хоёр хуса, арбан дүрбэн эрэ хурьга асарагты. 18Буруун бухануудай, бэеэ хүсэһэн хусануудай болон эрэ хурьгадай тоогоор ба хууляар талхан болон сэржэм үргэлнүүдые үргэгты. 19Нүгэл сагааруулгын үргэлдэ нэгэ тэхэ үргэгты. Энэ үргэл болбол хододоо үргэгдэдэг түгэс шатаалта, талхан болон сэржэм үргэлнүүдһээ гадуур үргэл болоно.

20Гурбадахи үдэр арбан нэгэн буруун буха, бэеэ хүсэһэн хоёр хуса, арбан дүрбэн эрэ хурьга үргэгты. Тэдэтнай эрэмдэггүй байха ёһотой. 21Буруун бухануудай, бэеэ хүсэһэн хусануудай, эрэ хурьгадай хажууда тэдэнэй тоогоор ба хууляар талхан болон сэржэм үргэлнүүдые асарагты. 22Нүгэл сагааруулгын үргэлдэ нэгэ тэхэ үргэгты. Энэ үргэл – хододоо үргэгдэдэг түгэс шатаалта, талхан, сэржэм үргэлнүүдһээ гадуур үргэл болоно.

23Дүрбэдэхи үдэр арбан буруун буха, бэеэ хүсэһэн хоёр хуса, арбан дүрбэн эрэ хурьга үргэгты. Тэдэтнай эрэмдэггүй байха ёһотой. 24Буруун бухын, бэеэ хүсэһэн хусын болон эрэ хурьганай тоогоор ба хуулиин ёһоор талхан, сэржэм үргэлнүүдые үргэгты. 25Нүгэл сагааруулгын үргэлдэ нэгэ тэхэ асарагты. Энэ үргэл хадаа хододоо хэгдэдэг түгэс шатаалта, талхан, сэржэм үргэлнүүдһээ гадуур үргэл болоно.

26Табадахи үдэр юһэн буруун буха, бэеэ хүсэһэн хоёр хуса, арбан дүрбэн эрэ хурьга үргэгты. Тэдэтнай эрэмдэггүй байха ёһотой. 27Буруун бухын, бэеэ хүсэһэн хусын болон эрэ хурьганай тоогоор ба хуулиин ёһоор талхан, сэржэм үргэлнүүдые үргэгты. 28Нүгэл сагааруулгын үргэлдэ нэгэ тэхэ үргэгты. Энэ үргэл болбол хододоо хэгдэдэг түгэс шатаалта, талхан, сэржэм үргэлнүүдһээ гадуур үргэл болоно.

29Зургаадахи үдэр найман буруун буха, бэеэ хүсэһэн хоёр хуса, арбан дүрбэн эрэ хурьга үргэгты. Тэдэтнай эрэмдэггүй байха ёһотой. 30Буруун бухын, бэеэ хүсэһэн хусын болон эрэ хурьганай тоогоор ба хуулиин ёһоор талхан, сэржэм үргэлнүүдые үргэгты. 31Нүгэл сагааруулгын үргэлдэ нэгэ тэхэ асарагты. Энэ үргэл хадаа хододоо хэгдэдэг түгэс шатаалта, талхан, сэржэм үргэлнүүдһээ гадуур үргэл болоно.

32Долоодохи үдэр долоон буруун буха, бэеэ хүсэһэн хоёр хуса, арбан дүрбэн эрэ хурьга үргэгты. Тэдэтнай эрэмдэггүй байха ёһотой. 33Буруун бухын, бэеэ хүсэһэн хусын болон эрэ хурьганай тоогоор ба хуулиин ёһоор талхан, сэржэм үргэлнүүдые үргэгты. 34Нүгэл сагааруулгын үргэлдэ нэгэ тэхэ асарагты. Энэ үргэл хадаа хододоо хэгдэдэг түгэс шатаалта, талхан, сэржэм үргэлнүүдһээ гадуур үргэл болоно.

35Наймадахи үдэр – һайндэр. Энэ үдэр ямаршье ажал бү хэгты. 36Эзэндэ түгэс шатаалта, аятай һайхан хэншүү үнэр дэгжүүлдэг үргэлдэ эрэмдэггүй нэгэ буруун буха, бэеэ хүсэһэн нэгэ хуса, долоон эрэ хурьга үргэгты. 37Буруун бухын, бэеэ хүсэһэн хусын болон эрэ хурьганай тоогоор ба хуулиин ёһоор талхан, сэржэм үргэлнүүдые үргэгты. 38Нүгэл сагааруулгын үргэлдэ нэгэ тэхэ асарагты. Энэ үргэл хадаа хододоо хэгдэдэг түгэс шатаалта, талхан, сэржэм үргэлнүүдһээ гадуур үргэл болоно.

39Һайндэрнүүдэй үедэ таанад Эзэндэ эдэ үргэлнүүдые үргэхэ ёһотойт. Энэ хадаа таанадай тангариглажа гү, али ехэ оролдолго гаргажа тахиһан түгэс шатаалта, талханай, сэржэмэй, амгалан байдалай үргэлнүүдһээ гадуур үргэгдэхэ юм.