‏ Numbers 34

Ханаһаанай хилэ

1Эзэн Моисейдэ иигэжэ айладаба:

– 2Израильшуудта Минии энэ захяае дамжуула: Уг залгамжалан дамжуулагдаха Ханаһаанай газар дайдада орохоёо байнат. Ханаһаан орон нютаг иимэ хилэтэй байха:

3урда хилэтнай Эдоомой захаар Циин сүл губиһаа зурыжа, Дабһата далайн урда эрьеһээ зүүн тээшээ һунан нэмжыхэ. 4Тиигээд урда зүг руу, Акраббиимэй дабаан руу, Циин сүл губи һэтэлээд, урда зүгһээ Кадээш-Барнээгээр гаража, Хацаар-Аддаар хүрэтэр, тиигээд Ацмоон дээгүүр зурын саашалха. 5Ацмоонһоо Египедэй хүндыгөөр мүрэн тээшэ шэглэжэ, тэндэһээ Дундада далай тээшэ зурыха.

6Таанадай баруун хилэ Дундада далайн эрьеэр болоно.

7Таанадай хойто хилэ Дундада далайн эрьеһээ эхилээд, Һоор хада хүрэтэр һунажа, 8Һоор хадаһаа Лэбоо-Хамаат хүрөөд, тэндэһээ Цэдаад, 9Зипроон, Хацаар-Энаан хүрэтэр зурыха. Энэ хадаа танай ороной хойто хилэ болоно.

10Таанадай зүүн хилэ Хацаар-Энаанһаа Шэпаам хүрэтэр зурыха. 11Тиигээд тэрэ хилэтнай Шэпаамһаа саашаа Риблаа хүрэтэр зурын ошохо. Ааинай зүүн талаар Хиннээрэт нуурай ▼

▼34:11 Үгышье бол, Галилейн нуур.

баруун эрье хүрэхэ. 12Тиигээд Иордан мүрэниие уруудан зубшаһаар, Дабһата далайда хүрэхэ. Энэ таанадай орон нютагай хилэ болоно.

13Тиигээд Моисей израильшуудта иигэжэ захирба:

– Таанад энэ газар абахат. Юһэ хахад обогой зондо энэ газар хубаарилхын тула таанад жээрэб татаха ёһотойт. 14Юундэб гэхэдэ, Рэүбээнэй, Гаадай обогуудай бүхы зон, Мэнашшээгэй обогой хахад зон хубита газарнуудаа абаа. 15Иордан мүрэнэй зүүн талада, Ерихооной шанха урда байгаа газар тэдэ абанхай.

Газар хубаарилгын түлөө харюусагшад

16Эзэн Моисейтэй хөөрэлдөөд, тэрээндэ иигэжэ айладаба:

17– Газар хубаарилхадаш санаартын хүбүүн Эльазаар, Нүүнэй хүбүүн Иисүүс 18болон обог бүхэнһөө нэгэ нэгэ ударидагша шамда туһалха. Эдэ ударидагшадай нэрэнүүд:

19– 20– 21– 22– 23– 24– 25– 26– 27–

29Уг залгамжалан дамжуулагдаха Ханаһаанай газар дайдые израильшуудта хубаарилжа үгэхыень Эзэн эдэ зониие шэлээ бэлэй.