‏ Numbers 4

Кэһаадай удамай ажалнууд

1Эзэн Моисей Аһароон хоёрто иигэжэ айладаба:

2– Левиин обогой Кэһаадһаа гараһан эрэшүүлые ураг урагаарнь, гэр бүлэнүүдээрнь бүридхэ. 3Гушанһаа таби хүрэтэр наһатай бүхы эрэшүүлыень бүридхэн тооло. Тэдэ эрэшүүл майхан һүмын үргэл болон мүргэлэй ёһололгын алба хэг. 4Тэдэнэр майхан һүмэ соохи нангин зүйлнүүдэй түлөө харюусалгатай. 5Отог омогойнгоо хотон хүреэнүүдэй аян замда мордохо болоходонь, Аһароон ба тэрэнэй хүбүүд майхан һүмэ соо орожо, халхабша хүшэгыень абаад, тэрээгээрээ хэлсээнэй ханзаяа хушаг. 6Тиигээд булгайр арһаар ханзаяа хушаад, үргэлжэдөө сэнхир хүхэ үнгэтэй нэмэргээр нэмэрээд, һургааг-харбиинхануудые табиг. 7Хилээмэн үргэл табидаг шэрээе сэнхир хүхэ нооһон нэмнээгээр нэмнээд, тэрээн дээрээ үргэл болон мүргэлэй ёһололдо хэрэглэгдэдэг томо жэжэ табагуудые, аягануудые табиг. Тиихэдээ тэдэнэй хажуудань хододоо байдаг хилээмэн үргэл байха ёһотой. 8Тиигээд тэрээн дээрээ улаан хушалта хушуулаад, дээгүүрнь хүхэ булгайр арһаар нэмэргэ нэмэрүүлээд, һургааг-харбиинхануудые табиг. 9Сэнхир хүхэ нэмэргээр һалаатай зула дэнгэй голто һууриие, тэрээндэ хэрэглэгдэдэг зулануудые, тэрэнэй хабшагуудые, согой амһартануудые, оливын тоһо хэдэг бүхы амһартануудые хушаг. 10Тэрэнэй бүхы хэрэгсэлнүүдые хүхэ булгайр арһаар хушаад, тэдэнээ тээлгүүр дээрэ табиг. 11Сэнхир хүхэ нэмэргээр үргэлэй алтан шэрээ хушаад, тэрэниие хүхэ булгайр арһаар нэмэрээд, һургааг-харбиинхануудые табиг. 12Майхан һүмэ соохи үргэлдэ хэрэглэгдэдэг бүхы юумэнүүдыень абаад, сэнхир хүхэ нэмэргээр хушажа, хүхэ булгайр арһаар нэмэргээд, тээлгүүрнүүд дээрэ табиг. 13Үргэл шэрээе үнэһэн болон хөөһөөнь сэбэрлээд, тэрэниие уб улаан нэмэргээр хушаг. 14Тиигээд тэрээн дээрэ үргэлэй ёһололдо хэрэглэгдэдэг бүхы амһартануудые: согой амһартануудые, мяханай һэрээ, хүрзэхэнүүдые, шуһа сүршэдэг аягануудые, үргэлэй шэрээдэ хэрэглэгдэдэг бүхы амһартануудые булгайр арһаар хушажа табяад, һургааг-харбиинхануудые табиг. 15Отог хүреэнэйнгээ аян замда түхеэржэ бэлэн болотор, Аһароон ба тэрэнэй хүбүүд майхан һүмэеэ, тэрэнэйнгээ бүхы хэрэгсэлнүүдые орёожо бэлдэг. Багсалжа бэлэн болоходонь, тэдэнииень абажа ябахаяа, Кэһаадай гэр бүлынхид тэдээндэ дүтэлэг. Зүгөөр тэдэнэр үхэхэгүй гээ һаа, майхан һүмын нангин юумэнүүдтэ гар бү хүрэг. 16Зулын тоһон, уталгын дабирхай, хэзээдэшье ходол байдаг хилээмэн үргэл, түрхидэг оливын тоһон, майхан һүмэ, тэрээн соохи нангин юумэнүүд болон тэрэнэй бүхы хэрэгсэлнүүд санаарта Аһарооной хүбүүн Эльазаарта даалгагдан үгтэнэ.

17Эзэн Моисей Аһароон хоёрто иигэжэ айладаба:

18– Левидүүдэй дундаһаа Кэһаадай обогой уг гарбалнуудыень бү хосороогты. Нангинай Нангин таһалгада дүтэлхэдэнь, 19тэдэнэй үхэхэгүйн тула иимэ юумэ хэгты: Аһароон ба тэрэнэй хүбүүд майхан һүмэдэ орожо, Кэһаадай үенүүдэйнь эрэшүүл бүхэндэ хэхэ ажалыень, үргэлэн абажа ябаха юумэнүүдыень хэлэжэ заажа үгүүжэг. 20Харин өөһэдөө тэдэнэр үхэхэ гээгүй һаа, майхан һүмэеэ хуряажа ба хушажа байхадаа, Нангинай Нангин таһалгада орохо ёһогүй.

Гэршооной уг удамай ажалнууд

21Тиигээд Эзэн Моисейдэ иигэжэ айладаба:

22– Гэршооной үри һадаһадай бүхы обогуудые, бүхы гэр бүлэнүүдэйнь эрэшүүлые бүридхэн тооло. 23Сэрэгэй албанда ябажа шадаха тэдэнэй гушан наһанһаа табин наһан хүрэтэрхи эрэшүүл майхан һүмые зөөлгэхэ ажал хэг. 24Гэршооной үри һадаһадай гэр бүлэнүүд майхан һүмэдэ алба хэхэдээ, тэрэнэй хүндэ ашааень абажа ябаха ажалынь иимэ: 25Тэдэнэр Уулзалгын майханай бүдые, хушалтануудые, тэрэнэй дээгүүр хушадаг булгайр арһан бэрээһэнүүдые, майхан һүмэ руу ородог халхабша хүшэгые, 26хорёо хотын халхабша ханануудые, майхан һүмые болон шатаалгата үргэлэй шэрээе тойроод байдаг хорёо хотын халхабша үүдэнүүдые, тэдэнэй бүхы ооһорнуудые болон бүхы хэрэгсэлнүүдые үргэлөөд, аян замда абажа ябаха ёһотой. Эдэ бүхы ажалнууд Гэршооной обогой бүхы эрэшүүлдэ даалгагдана. 27Аһарооной ба тэрэнэй хүбүүдэй захиралта болон ударидалган доро Гэршооной үенүүдэйхид хүндэ хүшэр ашаануудые үргэлөөд, аян замда абажа ябахадаа, тэдэнэр зүйл бүриин ажал хэхэһээ гадна, абажа ябаһан юумэнэйнгээ түлөө харюусалгатай байха ёһотой. 28Энэ хадаа Гэршооной үри һадаһадай майхан һүмэдэ алба хэхэ ажалынь гээшэ. Эдэ ажалнууд санаарта Аһарооной хүбүүн Итамаарай харууһан доро хэгдэхэ ёһотой.

Мэрариин уг удамай ажалнууд

29Мэрариин урагые угаарнь, гэр бүлөөрнь бүридхэн тооло. 30Майхан һүмын дэргэдэхи ажалда эльгээхын тула сэрэгэй албанда ябажа шадаха 30-50 наһа хүрэтэрхи бүхы эрэшүүлыень бүридхэн тооло. 31Тэдэнэр Уулзалгын майхан һүмын албанда алба хэхэдээ, иимэ ажал бүтээг: зөөдэлэй үедэ тэдэнэр майхан һүмын хүндэлэбшэ модонуудые, тэрэнэй хүреэнүүдые, баханануудые, һууриин мододые үргэлөөд ябаха ёһотой. 32Хорёо хотын бүхы бахананууд болон һаднагуудые, тэрэнэй һууриин хүндэлэбшын модонуудые, ооһорнуудые, тэрээндэ хабаатай бүхы юумэнүүдые, тэрэнэй бүхы хэрэгсэлнүүдые, тэдэнэй үргөөд абажа ябаха бүхы юумэнүүдые тэдээндэ нэрэ нэрээрнь тооложо үгэ. 33Энэ хадаа санаарта Аһарооной хүбүүн Итамаарай харууһан доро, майхан һүмын дэргэдэ тэдэнэй алба хэхэ, Мэрариин үри һадаһадай хэхэ ажал гээшэ.

Левидүүдэй уг удамууд

34Моисей, Аһароон болон арадай удамаршад Кэһаадай уг удамые гэр бүлөөрнь, урагаарнь бүридхэн тоолобо. 35Алба хэжэ, Уулзалгын майхан һүмын дэргэдэ ажал хэжэ шадаха гушан наһанһаа табин наһан хүрэтэрхи эрэшүүлэй тоое тэдэ тоолон гаргаба.

36– 37– 38– 39– 40– 41– 42– 43– 44– 45– 46– 47–

49Эзэнэй Моисейгээр дамжуулан айладаһан захиралтаар тэдэнэй тоо тоолон гаргагдаба. Эзэнэй захиралта дүүргэгдэжэ, тэдэнэй үргөөд ябаха юумэн, ажал хүдэлмэри тодорхойлон үгтэбэ.