‏ Proverbs 16

Хүнэй хүсэлэн – Бурханай табилан

1Хүсэл бодол хүндэ хабаатай, гэбэшье
хэлэнэй харюу Эзэнһээ ерэдэг юм.
2Хүнэй хамаг зам өөрынь нюдэндэ зүб үзэгдэдэгшье һаа,
Эзэн хүнэй сэдьхэл бодол туршадаг.
3Ажал үйлэеэ Эзэндэ даалга –
тиигэбэл, һанаһаншни бэелхэ.
4Эзэн бүхы юумые зорилготойгоор бүтээгээ.
Муу хүниие хэһээлгэ баһал Эзэнэй түсэбтэ ородог.
5Бардам хүнүүдһээ Эзэн зэбүүсэдэг.
Тэдэ эрхэ бэшэ хэһээлтэдэ хүртэдэг.
6Этигэл ба үнэн гэмые сагаадхадаг.
Эзэнһээ бэшэрэл хорон мууһаа холодуулна.
7Хүнэй зам Эзэндэ таатай байбал,
тэрэниие дайсадтайньшье эблэрүүлдэг.
8Зүй бусаар олохо үлэмжэ ехэ оршоһоо
зүб мүрөөр олохо багань дээрэ.
9Хүн ухаандаа өөрын замые түлэблэн харадагшье һаа,
Эзэн тэрэнэй алхаса шэглүүлдэг.
10Хаанай үгэ Бурханай лүндэнтэй адли.
Шүүхэ сагта тэрэнэй аманһаа алдуутай үгэ гараха ёһогүй.
11Зүб шэгнүүр ба хэмжүүр Эзэндэ хабаатай.
Уута соо байһан гиирнүүд мүн лэ Тэрээнһээ.
12Хаанай шэрээ үнэн шударгада түшэглэдэг ушарһаа
хорото муу ябадалтай холбогдохонь
хаанай хубида жэгшүүритэй муухай хэрэг болоно.
13Хаан үнэн ёһоной үгэнүүдые шагнаха дуратай.
Үнэниие яридаг хүниие хаан хайрладаг.
14Хаанай уур хилэн үхэлэй элшэ мэтэ,
харин сэсэн хүн тэрэниие зөөлэрүүлдэг.
15Хаанай сэлмэг харасада амидарал бии.
Тэрэнэй эбигээл анхарал хабарай бороо мэтэ.
16Алта абагшаһаа мэргэн ухаае олохонь үлүү.
Бодото мэргэн ухаа абахань мүнгэнһөө үлүү үнэтэй.
17Үнэн сэдьхэлтэй хүнүүдэй зам хадаа
өөрыгөө хорото мууһаа холодуулха ябадал.
Өөрынгөө зам анхаралтай ажагладаг хүн амияа хамгаална.
18Һүйдхэлэй урда бардамлал ябадаг,
бүдэржэ унахын урда дээрэлхүү зан ябадаг.
19Бардам зонтой олзо хубаанхаар
даруу зантай үгытэй зоной дунда байхань дээрэ.
20Хүнэй үгэ дууладаг хүн ажана тайбаниие олоно.
Эзэндэ этигэгшэ хүн үреэл олохо.
21Сэсэн хүн болгоомжотой гэдэг.
Болгоомжотой зөөлэнөөр дуугардаг хүн һайнаар ойлгуулна.
22Сэсэн ухаан тэрэниие эзэмшэһэн хүндэ амидаралай унда асарна.
Харин тэнэг мунхагай һургаалынь мунхаглал юм.
23Сэсэн хүнэй сэдьхэлынь амаяа һургадаг,
тэрэнэй хэлэһэниинь анхармаар.
24Һайн үгэнүүд зүгын балтай һархинаг шэнги.
Тэрэнь сэдьхэлдэ амтатай ба яһанда эмтэй.
25Хүндэ зүб мэтэ һанагдаха түгэсхэлынь
үхэл руу хүтэлдэг зам байдаг.
26Хүдэлмэришэ хүнэй үлэсхэлэн байдалынь тэрэниие хүтэлдэг.
27Яндан золиг муу юумэ сэдьхэдэг,
тэрэнэй үгэ шатаадаг гал мэтэ.
28Муу һанаатай хүн хэрэлдээ үүсхэдэг,
хоб тараагша хүн нүхэдые һалгаадаг.
29Хорон һанаата нүхэдөө уруу татажа,
буруу замаар хүтэлдэг.
30Нюдөөрөө эмнидэг ба уралаа зуудаг хүн
муу юумэ сэдьхэдэг.
31Буурал толгой алдарай титим юм.
Тэрээниие зүб ябадалаар олодог.
32Тэсэбэритэй хүн зоригтойһоо дээрэ.
Бэеэ барижа шададаг хүн хотые эзэлэгшэһээ дээрэ.
33Үбэрһөө жээрэб татаашье һаа,
шиидхэбэринь Эзэнһээ ерэдэг.