‏ Proverbs 17

Бурхан мунхагые тэбшэхэгүй

1Найрай хүндын эдеэгээр элбэг хэрүүлтэй гэрһээ
тэнигэр оршондо хатаһан талханай хэлтэрхэй дээрэ.
2Бэрхэ зараса эзэнэй тулюур хүбүүе захиржа,
аха дүүгэй дундахи хүрэнгэдэ хүртэнэ.
3Галай дүлөөр мүнгэ алта хайлуулан сэбэрлэдэг.
Эзэн хүнүүдэй сэдьхэл туршадаг.
4Хорон һанаатан нүгэлтэнэй хара мэхэтэ хүүр шагнадаг.
Худалша хүн эбдэн һүйдхэгшын үгэдэ анхардаг.
5Ядуу хүниие баһамжалагша Бүтээгшые доромжолно.
Гай тодхорто баясагша хэһээлтэ абаха.
6Үтэлһэнэй жаргал аша гушанар болодог.
Эсэгэ хүн хүбүүдэйнгөө һүр алдарынь болодог.
7Уран үгэ мунхаг хүндэ тааранагүй,
дээдэ изагууртанай худал хэлэхэнь бүришье зохисогүй.
8Эдилгэ үгэдэг хүндэ тэрэнь шэдитэ шулуун шэнги.
Хайшаншье эрьюулхэдэнь адли бариисатай.
9Гомдохооһон хүниие хүлисэхэдөө нүхэртэй болохош.
Харин гомдол тухай дахин һануулбал, анда нүхэрөө алдажа болохош.
10Ухаатай хүниие зэмэлхэ гээшэ
тэнэгые зуу дахин наншахаһаа дээрэ.
11Муу хүн гансал һамууралда эрмэлзэдэг.
Эзэн тэрээндэ дошхон Эльгээмэлые заатагүй эльгээхэ.
12Мунхагтаа дашуурһан тэнэгтэй ушаранхаар
гүлгэдөө төөриһэн баабгайтай уулзаһан дээрэ.
13Һайниие муугаар харюулдаг хүнэй гэрһээ
муу юумэн һалахагүй.
14Хёморол хэрэлдээнэй эхин хадаа
уһатай хаалтада нүхэ гаргаһантай адли.
Даамжархаһаань урда хэрүүлээ тогтоогты.
15Хара һанаатаниие зүб гэгшэ ба үнэн шударга хүниие буруушаагша хоёр
Эзэнэй зэбүүрхэл адли түрүүлдэг.
16Сэсэн мэргэниие худалдан абаха хүсэлгүй һаа,
мунхагай гар дээрэ мүнгэн байгаад яагшаб.
17Найза нүхэд ямаршье үедэ бэе бэеэ хайрладаг.
Аха дүүнэр хэсүү сагта тулга болохын түлөө түрэдэг.
18Ухаагаар хомор лэ хүн гар барин амалжа,
хүршынгөө түлөө гар даагша болодог.
19Хэрүүлдэ дуратай хүн гэм нүгэлдэшье дуратай.
Бэеэ үлэмжэ дээгүүр абхуулхадаа, сүйдхэл эриһэн жэшээтэй.
20Хуурмаг хүн һайниие олохогүй.
Хара мэхэтэй хүн зоболондо орохо.
21Тэнэгые түрэһэн хүн өөртөө гашуудал асарна.
Тэнэгэй эсэгэдэ баяр баясхалан байхагүй.
22Сэдьхэлэй баяр баясхалан эмдэ адли туһатай.
Уйдхарта абталга яһа хатааһан үбшэнтэй адли.
23Шударга байдалые забхайруулхын тулада
муу хүн эдилгэ үбэртэлжэ ябадаг.
24Ухаатай хүнэй нюдэн
саг үргэлжэ сэсэн бодол руу шэглээтэй.
Тэнэгэй нюдэн – дэлхэйн заха руу.
25Тэнэг хүн эсэгын халаглал, түрэһэн эхын гуниг.
26Гэмгүй хүниие хэһээхэнь
үнэн шударга түшэмэлые хэһээгшэтэй адли һайн хэрэг бэшэ.
27Үгэдөө хинамгай хүн мэдэлгэ ехэтэй,
ухаатай хүн доро зүрхэтэй.
28Тэнэгшье һаа, шэмээгүй байхадаа мэргэндэ тоологдоно.
Амаа хабшаад һуубалшни ухаатай гэжэ тоолохо.