Psalms 1
1Хорото муу зоной зүбшэл дагаагүй,нүгэлтэнэй замаар ябаагүй,
Бурханиие баһагшадтай хамта һуудаггүй хүн үнэн шударгал!
2Юуб гэбэл, Эзэнэй һургаал тэрэниие баяртай болгодог,
Эзэнэй һургаал тушаа үдэр, һүнигүй тэрэ бисалгал болон байдаг.
3Урасхал уһанай дэргэдэ тариһан модондол тэрэ адли.
Тус модон асарха сагтаа алим жэмэсээ эдеэшүүлэн асардаг,
набшань хатадаггүй. Тиимэ хүнэй хэһэн хэрэг бүхэниинь үлзытэй.
4Хорото муу зон тиимэ бэшэ. Тэдэ һалхинда хиидэдэг мэхиинэ мэтэ.
5Тиимэһээ хорото муу зон заргые шүүжэ,
нүгэлтэн зүб шударга зоной хажууда байжа шадахагүй.
6Юуб гэбэл, Эзэн зүб шударга зоной замые хинадаг,
харин хорото муу зон үхэлэй харгыгаар шэглэдэг.
Copyright information for
BxrBBL2024