Psalms 110
1Эзэниие магтагты!א Алээп Үнэн сэдьхэлтэй зоной дунда ба суглаанай дунда
ב Бээт Эзэниие бүхы зүрхэ сэдьхэлээрээ магтанам.
ג Гиимэл 2Эзэнэй үйлэ хэрэгүүд агууехэ,
ד Даалэт тэдээндэ баясагша бүхы зон тэдэниие ойлгохоо эрмэлзэнэ.
ה Һээ 3Ажал хэрэгынь – һүр жабхалан ба гоё һайхан,
ו Ваав зүб шударгань хэтэ мүнхэдөө оршоно.
ז Заайин 4Тэрэ гайхамшагта хэрэгүүдээ дурдуулдаг болгоо,
ח Хээт Эзэн хадаа нигүүлэсхы ба үршөөлтэй мүн.
ט Тээт 5Тэрэ Өөрһөөнь түбэгшөөдэг зондо хоол үгэдэг,
י Ёд хэлсээгээ хэтэдээ һанан байдаг.
כ Каап 6Тэрэ хадаа үндэһэтэдэй угай зөөри – орон нютагыень
Өөрын арад түмэндэ эзэмшүүлжэ,
ל Лаамэд Өөрын хэрэгүүдэй хүсэ шадалые элирхэйлээ.
מ Мээм 7Тэрэнэй гарай үйлэ хэрэгүүд – үнэн ба шударга,
נ Нүүн бүхы тогтоолнуудынь эбдэшэгүй бата.
ס Саамэх 8Тэдэ хэтын хэтэдэ бата тогтоогдонхой,
ע Аайин үнэн ба шударга дээрэ үндэһэлэгдэнхэй.
ק Кооп 9Тэрэ Өөрын арад түмэндэ абарал эльгээгээ,
פ Пээ хэлсээень хэтэдээ сахин байхынь захираа.
צ Цадээ Нэрэнь нангин ба һүрдэмөөр!
ר Рээш 10Эзэнһээ бэшэрхэ гээшэ сэсэн мэргэн ухаанай эхин юм.
ש Шиин Зарлигыень дүүргэгшэ бүхы зондо боро ухаан бии.
ת Таав Эзэндэ магтаал соло хэтэ мүнхэдөө оршохол!
Copyright information for
BxrBBL2024