Psalms 114
1Би Эзэндэ дуратайб.Тэрэ минии дуу хоолой, гуйлтыем дуулана.
2Нам руу шэхээ табин соносодог ушарһаань
амиды мэндэ сагтаа би Тэрэниие дуудан байхаб!
3Үхэлэй уяанууд намайе орёогоо,
Үхэлэй ороной гай тодхортой намда хүрөө,
зоболон ба уйдхар гашуудалтай ушарааб.
4Тиихэдээ би Эзэнэй нэрэ дуудааб:
«Эзэн! Ами наһым абарыт!»
5Эзэн нигүүлэсхы ба зүб шударга,
Бурхамнай хайрладаг.
6Юрын гэнэн зониие Эзэн хамгаалдаг,
минии зобожо байхада Тэрэ намайе абараа.
7Эрьежэ, амгалан тайбан боло даа,
Юуб гэхэдэ, Эзэн шамайе үршөөгөө.
8Юуб гэхэдэ, Та намайе үхэлһөө, нюдыем нулимсаһаа,
хүлыем бүдэрхэһөө абараат.
9Би Эзэнэй урда амидын газарта ябахаб!
Copyright information for
BxrBBL2024