Psalms 115
1«Ехээр зобожо һалааб» гэжэ би хэлээшье һаа,этигэһэн зандааб.
2Тэбдэхэдээ «ямаршье хүн худалша» гэжэ хэлэнэб.
3Намда үзүүлһэн бүхы аша туһыень
Эзэндэ юугээр харюулхабиб?
4Абаралай хундага үргэжэ,
Эзэнэй нэрэ дуудахаб.
5Бүхы арад түмэнэйнь урда
Эзэндэ тангариглаһанаа бэелүүлхэб!
6Өөртэнь үнэн сэхэ зоной үхэл
Эзэндэ үнэтэй сэнтэй юм.
7Оо, Эзэн! Би Танай богоол, Танай богоол,
Танай шэбэгшын хүбүүн мүн.
Та намайе гэнжэһээ сүлөөлөөт.
8Танда би һайе хүргэһэн үргэл тахижа,
нэрыетнай дуудахаб.
9Бүхы арад түмэнэйнь урда
Эзэндэ тангариглаһанаа бэелүүлхэб.
10Иерусалим, шинии тэгэн дунда,
Эзэнэй нангин үргөөгэй хашаа дотор
тангариглаһанаа бэелүүлхэб.
Эзэндэ магтаал үргэгты!
Copyright information for
BxrBBL2024