Psalms 120
1[Үгсэлгын дуун.]Би нюдөө хада уула руу шэглүүлнэм:
хаанаһаа намда туһаламжа ерэхэ бэ?
2Тэнгэри ба газар бүтээһэн Эзэнһээ
минии туһаламжа ерэхэ!
3Тэрэ шамайе хүл алдуулхагүй.
Шамайе Хамгаалагша һажахагүй.
4Харагты, Израилиие Хамгаалагша Тэрэ
һажахашьегүй, унтахашьегүй.
5Эзэн хадаа шинии Хамгаалагша.
Эзэн хадаа шинии баруун гар таладахи һүүдэр мүн.
6Үдэртөө наран шамайе шатаахагүй,
һүниндөө һара шамайе һүнөөхэгүй.
7Эзэн шамайе бүхы тодхорһоо абараг,
ами наһыеш абараг.
8Хаанашье ябаа һааш, Эзэн шамайе
энэ сагһаа эхилэн хэтэ мүнхэдөө сахин хамгаалхал!
Copyright information for
BxrBBL2024