‏ Psalms 128

1[Үгсэлгын дуун.]
«Залууһаамни хойшо олон зон намайе хашаа-харшалаа бэлэй, –
гэжэ Израиль хэлэхэ, –
 2Залууһаамни хойшо олон зон намайе хашаа-харшалаа,
зобоогоо, харин диилээгүй.
 3Таряашан нюргыем анзаһаар хахалаа,
тэдэ ута бураздаа татаа.
 4Теэд Эзэн зүб шударга.
Тэрэ хорото муу хүнэй урьхые таһа татаа».

5Сиониие үзэн ядагшад бултадаа
эшхэбтэр байдалда орожо, һөөргэлэг лэ.
 6Тэдэ ургахаһаа урид хатадаг
хушалта дээрэхи үбһэ ногоон мэтэ болог.
 7Тэдээгээр хадагшын адхыешье,
таряа багсалагшын үбэрыешье дүүргэхэгүй.
 8Хажуугаар үнгэрэгшэд
«Эзэнэй юрөөл таанад дээр байг.
Бидэ таанарые Эзэнэй нэрэһээ юрөөнэбди»
гэжэ хэлэхэгүй.
Copyright information for BxrBBL2024