‏ Psalms 135

1Эзэндэ магтаал үргэгты! Юуб гэбэл, Тэрэ һайн.
Юуб гэбэл, Тэрэнэй энэрэл хайра хэтэ мүнхын.
2Бурхадай Бурханда магтаал үргэгты.
Юуб гэбэл, энэрэл хайрань хэтэ мүнхын.
3Эзэдэй Эзэндэ магтаал үргэгты.
Юуб гэбэл, энэрэл хайрань хэтэ мүнхын.

4Агууехэ хэрэгүүдые гансаараа хэдэг Тэрээндэ.
Юуб гэбэл, энэрэл хайрань хэтэ мүнхын.
5Мэргэн сэсэн ухаагаараа тэнгэри бүтээгшэ Тэрээндэ.
Юуб гэбэл, энэрэл хайрань хэтэ мүнхын.
6Газар уһан дээгүүр дэлгэһэн Тэрээндэ.
Юуб гэбэл, энэрэл хайрань хэтэ мүнхын.
7Агууехэ дэнгүүдые бүтээгшэ Тэрээндэ.
Юуб гэбэл, энэрэл хайрань хэтэ мүнхын.
8Нараар үдэрые зонхилуулагша Тэрээндэ.
Юуб гэбэл, энэрэл хайрань хэтэ мүнхын.
9Һара, мүшэдээр һүниие зонхилуулагша Тэрээндэ.
Юуб гэбэл, энэрэл хайрань хэтэ мүнхын.

10Египедэй ууган хүүгэдые усадхаһан Тэрээндэ.
Юуб гэбэл, энэрэл хайрань хэтэ мүнхын.
11Тэндэһээ Израилиин арад түмэниие гаргагша Тэрээндэ.
Юуб гэбэл, энэрэл хайрань хэтэ мүнхын.
12Хүсэтэй гараараа, һунгагша шандааһаараа.
Юуб гэбэл, энэрэл хайрань хэтэ мүнхын.

13Хулһата далайе хубаагша Тэрээндэ.
Юуб гэбэл, энэрэл хайрань хэтэ мүнхын.
14Дундуурнь Израилиин арад зониие Тэрэ гаргаа.
Юуб гэбэл, энэрэл хайрань хэтэ мүнхын.
15Фараониие сэрэгтэйнь хамта Хулһата далайда шэнгээгээ.
Юуб гэбэл, энэрэл хайрань хэтэ мүнхын.

16Өөрын арад түмэниие сүл губяар хүтэлэн гаргагша Тэрээндэ.
Юуб гэбэл, энэрэл хайрань хэтэ мүнхын.

17Агууехэ хаашуулые хюдагша Тэрээндэ.
Юуб гэбэл, энэрэл хайрань хэтэ мүнхын.
18Шанга хаашуулые Тэрэ усадхаа.
Юуб гэбэл, энэрэл хайрань хэтэ мүнхын.
19Эмоор арадай Сиһоон хааниие усадхагша Тэрээндэ.
Юуб гэбэл, энэрэл хайрань хэтэ мүнхын.
20Башаанай Оог хааниие усадхагша Тэрээндэ.
Юуб гэбэл, энэрэл хайрань хэтэ мүнхын.
21Газарыень Тэрэ эзэлүүлээ.
Юуб гэбэл, энэрэл хайрань хэтэ мүнхын.
22Өөрын зараса Израильда уг залгамжалуулан.
Юуб гэбэл, энэрэл хайрань хэтэ мүнхын.

23Доромжолуулаад байхадамнай маанад тухай Тэрэ һанаа.
Юуб гэбэл, энэрэл хайрань хэтэ мүнхын.
24Дайсадһаамнай бидэниие зайлуулаа.
Юуб гэбэл, энэрэл хайрань хэтэ мүнхын.
25Ямаршье амитанда хоол үгэдэг.
Юуб гэбэл, энэрэл хайрань хэтэ мүнхын.

26Тэнгэриин Бурханда магтаал үргэгты!
Юуб гэбэл, энэрэл хайрань хэтэ мүнхын.