Psalms 136
1Вавилооной гол мүрэнүүдэй дэргэдэ һуужа,Сион тухай һанан уйлалдажа байгаабди.
2Бургааһадай дунда ятагаа үлгөө бэлэйлди.
3Маанадые баряанда абагшад дуу дуулахыемнай захираа.
«Сионой дуу дуулагты!» гэжэ тэдэ захиржа,
хүхюу байхыемнай бидэндэ эрилтэ табяа.
4Хариин газарта Эзэндэ дуу яажа бидэ дуулахабибди?!
5Иерусалим, хэрбээ шамайе мартаа һаам,
баруун гарни намайе мүн лэ мартуужан.
6Хэрбээ шамайе һанаагүй һаам,
хэрбээ Иерусалимые эгээл ехэ баярни гэжэ сэгнэн байгаагүй һаам,
хэлэмни тангалайдаа няалдуужан.
7Эзэн, «Һандаргагты, үндэһэн һуури хүрэтэрынь һандаргагты!» гэжэ
Иерусалимай тодхорто үдэр Эдоомой зоной хэлэжэ байгаашые
тэдээндэ һануулыт.
8Вавилоон, һүйдхэлтэ орон!
Шинии бидэндэ хэһэнэй хэмээр
шамда харюу амасуулагша хэн нэгэн юрөөлтэй байха!
9Нялха нарай хүүгэдыеш абаад,
хабсагай шулуун руу шэдэгшэ хэн нэгэн юрөөлтэй байхал!
Copyright information for
BxrBBL2024