Psalms 139
1[Дуунай бүлэгэй хүтэлбэрилэгшэдэ. Давидай псалма.]2Эзэн, намайе муу зонһоо абарыт,
хүсэрхэгшэдһээ аршалыт.
3Тэдэ зүрхэ сэдьхэлдээ муу муухай юумэ һанаашалдаг,
хододоо дайн дажар үдөөдэг.
4Тэдэ могойн хадхуур мэтээр хэлээ бүлюудэдэг,
хэлэндэнь могойн хадхуурта адли хорон байдаг. [Хүгжэм]
5Эзэн, намайе муу муухай зонһоо хамгаалыт,
хүлыем түлхин унагаахаяа һанагша
хүсэрхэгшэдһээ намайе аршалыт.
6Бардам зон намда урьха уяа зохёогоо,
харгы замда занга табяа,
намайе барихаар гүльмэ татаа. [Хүгжэм]
7Би Эзэндэ иигэжэ хэлээб:
«Та бол минии Бурхан.
Эзэн, минии гуйлтые шагныт!
8Минии абаралай хүсэ шадал болохо Эзэн Бурхан,
байлдаанай үдэр минии толгойе Та аршалан байнат.
9Эзэн, хорото муу хүнэй хүсэл бү бэелүүлыт,
түсэбүүдыень бү хүсэлдүүлыт!» [Хүгжэм]
10Намайе тойроод байгаашадай өөһэдынь толгойдо
аманайнь хорон хүрэг!
11Аһажа байгаа нүүрһэн өөһэд дээрэнь унаг!
Тэдэ гал руу, гаража шадахагүй нүхэн руу хаягдаг, бэшэ бү бодог!
12Гүжэр үгэ тараагша хүн газар дээрэ батаар зогсожо шадахагүй,
хүсэрхэгшэ хүниие муу муухай дахажа һалгааха.
13Эзэн хадаа зобоһон зоной хэрэг шиидэдэг,
ядуу зоной түлөө үнэн шударгые үйлэдэдэг гэжэ би мэдэнэм.
14Зүб шударга зон Тэрэнэй нэрэ алдаршуулха,
үнэн сэхэ зон Тэрэнэй урда амидархал.
Copyright information for
BxrBBL2024