Psalms 14
1[Давидай псалма.]Эзэн! Хэн Танай майхан соо ажаһуужа,
Нангин хада дээрэтнай хэн амидаржа шадахаб?
2– Үнэн зүбөөр ябажа, зүб шударгые хэжэ,
зүрхэндөө үнэн зүбые үгүүлдэг хүн.
3Гүжэр үгэ хэлэдэггүй, нүхэртөө муу юумэ хэдэггүй,
дүтэ зондоошье эсэргүүсэн буруу болгожо байдаггүй хүн.
4Шоодбори хүн Тэрэнэй нюдэндэ жэгшүүритэй,
гэбэшье Эзэнһээ айдаг зониие Тэрэ хүндэлдэг.
Хэн нэгэндэ тангариг үргэбэл, тэрэнээ заабол бэелүүлдэг.
5Мүнгэнэй түрэсын түлөө зээлеэр үгэжэ байдаггүй,
эдилгэ абажа, гэмгүй хүниие хардажа байдаггүй –
хэн иимээр хэрэг ябуулнаб, тэрэ хэтэ мүнхэдөө ганхахагүй!
Copyright information for
BxrBBL2024