Psalms 140
1[Давидай псалма.]Эзэн, би Таниие дууданаб, нам руу түргөөр ерыт!
Таниие дуудан байха үедэм минии хоолойдо шэхээ табиит!
2Уталга мэтээр минии зальбарал Тан руу шэглэг,
гараа дээшэнь үргэн байхамни үдэшын үргэл мэтэ.
3Эзэн, амандамни харуул табиит,
уралаймни хаалгые сахин байгыт.
4Гэм зэмэ хэгшэдтэй хамта
хорото муу хэрэг хэхээр
зүрхыем муу муухай юумэндэ бү татуулыт.
Тэдэнэй амтанһаа намда бү эдюулыт.
5Зүб шударга хүн намайе сохиг, энэ бол энэрэл гээшэ.
Тэрэ намайе зэмэлэг, энэ бол толгойн тоһон мэтэ.
Хорото муу зоной хэрэгүүдтэ эсэргүүсэн зальбаржа байхадам,
6хабсагайн, заргашын гар тэдэниие абажа шэдээ!
Үгэнүүдым дуулагты! Амтатай юм!
7– Газар хахалжа, хүрьһэ борнойдохо мэтээр
яһамнай Үхэлэй ороной аманда жажалагдана.
8– Эзэн Бурхан, Тан руу нюдэмнай шэглэнэ,
Тандал найданабди, ами наһым аршалыт!
9Намда табигша тэдэнэй урьхаһаа,
гэмтэ зоной зангаһаа намайе хамгаалыт!
10Хорото муу зон өөһэдынгөө табиһан урьхада орохо,
харин би аюулгүй хажуугаарнь үнгэрхэб.
Copyright information for
BxrBBL2024