‏ Psalms 144

1[Магтаал дуун. Давидай зохёоһон.]
א Алээп Хаан болохо Бурхамни, би Таниие үргэмжэлжэ,
нэрыетнай хэтэ мүнхэдөө магтан байхаб.
ב Бээт 2Үдэр бүри Таниие магтажа,
нэрыетнай хэтэ мүнхэдөө магтан дуулахаб.
ג Гиимэл 3Эзэн бол агууехэ, ямаршье магтаалһаа ехэ,
агууехэнь хэмжэмээргүй.
ד Даалэт 4Нэгэ үе зон нүгөө үедэ үйлэ хэрэгүүдыетнай магтажа,
Танай үндэр хэрэгүүдые тунхаглаха.
ה Һээ 5Танай сог жабхалан, алдар, агууехэ тухай,
гайхамшагта үйлэ хэрэгүүд тушаа би бодомжолноб.
ו Ваав 6Зон һүрдэмэ үйлэ хэрэгүүд тушаатнай хэлэхэ,
би агуу байдал тухайтнай тунхаглахаб.
ז Заайин 7Тэдэ Танай элбэг-дэлбэг
һайн һайхан үйлэ хэрэгүүд тушаа һанажа зарлаха,
зүб шударгыетнай магтан дуулаха.
ח Хээт 8Эзэн хадаа нигүүлэсхы, үршөөлтэй,
тэсэбэритэй, энэрэл хайраар элбэг мүн.
ט Тээт 9Эзэн хадаа бүгэдэдэ һайн,
Өөрын бүтээлнүүдтэ үршөөл хайра элбэгтэй.
י Ёд 10Эзэн, бүтээл бүхэнтнай Таниие магтан дуулана,
үнэн сэхэ зонтнай Таниие үреэнэ.
כ Каап 11Тэдэ хаан түрынтнай алдар солые тунхаглана,
Танай һүр хүсэн тушаа хэлэнэ.
ל Лаамэд 12Танай хүсэтэ үйлэ хэрэгүүд тухай,
хан түрынтнай толормо алдар тухай зондо тунхаглана.
מ Мээм 13Хан түрэтнай хэтэ мүнхэдөө байха,
хааншалалтнай үеһөө үедэ үргэлжэлхэ.
ס Саамэх 14Эзэн унаһан бүхэниие үндылгэдэг,
һэхэрэн унагшадые бодхоодог.
ע Аайин 15Бүгэдын нюдэд Тан руу шэглэнхэй.
Сагай ерэхэдэ хоол хүнэһынь үгэнэт.
פ Пээ 16Та гараа дэлгэжэ,
бүхы амитадай хүсэл ханганат.
צ Цадээ 17Эзэн бол бүхы замдаа зүб шударга,
бүхы үйлэ хэрэгтээ үнэн сэхэ.
ק Кооп 18Эзэн Өөрыень дуудагша бүхэндэ,
Өөрыень үнэнхэ зүрхэнһөө дуудагшадта ойро дүтэ.
ר Рээш 19Тэрэ Өөрһөөнь түбэгшөөгшэдэй хүсэл бэелүүлдэг,
хашхархыень соносожо, тэдэниие абардаг.
ש Шиин 20Эзэн Өөртэнь дуратай бүгэдые сахин хамгаалдаг,
харин бүхы хорото муу зониие Тэрэ усадхаха.
ת Таав 21Минии аман Эзэндэ магтаал үргэхэ,
бүхы амитан хэтэһээ хэтэдэ нангин нэрыень үреэн байха.
Copyright information for BxrBBL2024