Psalms 149
1Эзэниие магтагты!Эзэндэ шэнэ дуу,
үнэн сэхэ зонойнь сугларһан газарта
Тэрээндэ магтаал үргэгты!
2Израиль өөрын Бүтээгшын урда баясан байг,
Сионой хүбүүд өөһэдын Хаанай урда хүхилдэн байг лэ.
3Хатар хатаран нэрыень магтан байгты,
хэнгэрэг болон ятагын хүгжэмөөр Тэрэниие магтагты.
4Юуб гэбэл, Эзэн Өөрын арад түмэндэ дуратай,
номгон даруу зониие магтана, абарна!
5Үнэн сэхэ зон алдар соло соогоо баясан байг,
орон дээрээ баяртай дуулаг лэ.
6Тэдэнэй аманда Бурханда магтаал,
гартань хоёр талаһаа эритэй һэлмэ байна.
7Энэнь үндэһэтэдһээ үһөөгөө абахын,
арадуудые илахын тула.
8Хаашуулыень гэнжээр гэнжэлжэ,
ноёдыень түмэр дүнгэдэ тушахын тула,
9бэшэгдэһэн шүүхын шиидхэбэриие
тэдэнэй талаар гүйсэдхэхын тула.
Энэ хадаа Тэрээндэ үнэн сэхэ зондо хүндэтхэл мүн.
Эзэниие магтагты!
Copyright information for
BxrBBL2024