Psa 28 | BxrBBL2024 | STEP | [Давидай псалма.] Бурханай Эльгээмэлнүүд, хүндэлһэнөө Эзэндэ мэдүүлэгты! Эзэндэ алдар соло дуудагты, хүсэ шадалынь магтагты!

‏ Psalms 28

1 [Давидай псалма.]
Бурханай Эльгээмэлнүүд, хүндэлһэнөө Эзэндэ мэдүүлэгты!
Эзэндэ алдар соло дуудагты, хүсэ шадалынь магтагты!
2 Нэрэдэнь хүрэмэ алдар соло Эзэндэ дуулагты,
нангин алдарынь үмдөөд, урдань һүгэдэн мүргэгты!

3 Эзэнэй дуу хоолой – уһан дээгүүр,
алдарта Бурхан нэернэ,
Эзэн – уһанай уудам дээгүүр!
4 Эзэнэй дуу хоолой хүсэтэй,
Эзэнэй дуу хоолой һүр жабхалантай.
5 Эзэнэй дуу хоолой хуша модо унагаадаг,
Эзэн Ливаанай хуша модые зомгоол болгодог.
6 Ливаанай хадануудые буруу мэтэ,
Сириһоон хадые ^{▼▼ Энэ бол Хэрмоон хада.} залуу зэрлиг үхэр мэтэ соёргодог.
7 Эзэнэй дуу хоолой гал сахин гаргадаг.
8 Эзэнэй дуу хоолой сүл губи шэшэрүүлдэг.

Эзэн Кадээш сүл губиие шэшэрүүлдэг.
9 Эзэнэй дуу хоолойһоо һогоон тугалладаг,
ой модон нюсэгэртэрөө хуу татагдадаг.

Нангин үргөөнь Өөртэнь соло магтаалаар дүүрэнхэй.

10 Эзэн үерэй уһан дээрэ оршоно,
хэтэ мүнхэдөө Тэрэ хаан шэрээдэ һууна.

11 Эзэн Өөрын арад түмэндэ хүсэ шадал хайрлаха,
Эзэн Өөрын арадта амар амгаланиие юрөөн үршөөхэ!