‏ Psalms 30

(Псал 70:1-3)

1[Дуунай бүлэгэй хүтэлбэрилэгшэдэ: Давидай псалма.]
2Эзэн, би хорохо газар Танһаал бэдэрнэб.
Хэзээшье эшхэбтэр байдалда намайе бү оруулыт,
зүб шударгаараа намайе абарыт!
Намайе дуулыт, зайлуулхаяа шамдыт!

3– 4Намда хабсагай, аршалалта,
намайе абарха найдамтай хэрэм болыт!
Та бол минии хабсагай, хэрэмни мүн!
Өөрынгөө нэрын тула намайе хүтэлжэ, заажа байгыт!
5Намда гэжэ нюусаар табиһан зангаһаань
намайе гаргыт, юуб гэхэдэ,
Та минии хамгаалалта мүн.
6Танай мэдэлдэ һүнэһөө ябуулнаб.
Үнэн Эзэн Бурхан, намайе абарыт!

7Хооһон шүтээнүүдые хүндэлдэг зониие үзэн ядадагби,
би Эзэндэл этигэдэгби!
8Танай хайра энэрэлдэ баярлан, баясан байнам.
Юуб гэбэл, Та минии ядарал хараат,
сэдьхэлэймни зоболонгые мэдээт.
9Та намайе дайсанай гарта тушаагаагүйт,
уужам салуу газар руу намайе гарганат.

10Намайе хайрлыт, юуб гэбэл, зобожо байнам,
уйдхар гашуудалһаа боложо нюдэдни шэргээ,
сэдьхэлни болон бүхы бэемни үбдэнэ.
11Юуб гэхэдэ, би амидаралаа уйдхар гашуудалтайгаар,
он жэлнүүдээ һанаа алдан үнгэрүүлнэб.
Хүсэ тэнхээмни зоболонһоом боложо һулараа,
яһамни хэбэрэг болошоо.
12Бүхы дайсадни, үнгэрхэдөө хүршэнэрнишье,
намайе доромжолно.
Танилнуудтаа айдаһа түрүүлнэб,
гудамжада намайе хараад, тэдэ намһаа зайлана.
13Үхэһэн хүндэл би мартагдааб,
хахарһан амһарта мэтэб.
14Нам тухай олон зоной хоб жэб дууланаб,
һүрдэмөөр аймшиг намайе тойроод байна.
Зон минии урдаһаа хамтаран зүблэлдэжэ,
намайе алахаар хэлсэжэ байна.

15Тандаал найданам, Эзэн!
«Минии Бурхан Та мүн!» гэжэ хэлэнэм.
16Минии ами наһан – Танай гарта!
Дайсадһаам болон харшалагшадһаам намайе абарыт!
17Зараса руугаа энеэбхилэн харыт,
хайра энэрэлээрээ намайе абарыт.
18Таниие дуудаһандаа, Эзэн, бү эшэһүүлби.
Хорото муу зон эшэжэ, Үхэлэй орондо дуу аниргүй болог лэ!
19Бардамлан, доромжолон,
зүб шударга хүнэй урдаһаа муу юумэ хэлээшэдэй
худалша аман хатаг лэ!

20Танһаа түбэгшөөгшэдтэ, Танда найдагшадта
хэды һайн һайхан зүйл Та бэлдээбта!
Зоной нюдэн дээрэ тэдэниие бэлдээт.
21Та тэдэниие хүнэй мэхэһээ аршалан Өөрөө харууһалнат,
хэлэ аманһаа нюуса газарта нюунат.

22Эзэн, магтагдахатнай болтогой!
Минии бүһэлэгдөөд байхада
Та Өөрын энэрэл хайрые намда гайхамшагаар харуулаат!
23Би хүлгөөд байхадаа
«Эзэн намайе харахаяа һананагүй» гэжэ бодожо байгааб.
Теэд минии дуудахада,
Та зальбаралым дуулаат.

24Эзэндэ үнэн сэхэ зон, Тэрээндэ дуратай байгты!
Эзэн этигэлтэй зониие хамгаалдаг,
харин бардамлагшадта харюуень үлүү бусаадаг!
25Эзэндэ найдагша бүхы зон,
шанга болон зоригтой байгты!