Psalms 46
1[Дуунай бүлэгэй хүтэлбэрилэгшэдэ: Коорахай уг удамай псалма.]2Бүхы арадууд, альга ташагты!
Баярта хашхараагаар Бурханиие магтагты!
3Юуб гэбэл, Дээдэ Эзэн аймшагтай,
бүхы дэлхэйн агууехэ Хаан юм.
4Тэрэ бидэн доро арадуудые,
ула доромнай арад зониие оруулаа.
5Тэрэ маанадта дуратай Яковай һүр жабхалангаа –
уг залгамжалан дамжуулха газар шэлээл. [Хүгжэм]
6Эзэн Бурхан хашхарха дуунай дунда,
бүреэгэй абяан доро дээшээ залараа!
7Бурханда магтаал үргэгты, магтаал үргэгты!
Хаандамнай магтаал үргэгты, магтаал үргэгты!
8Юуб гэбэл, Бурхан хадаа бүхэдэлхэйн Хаан мүн!
Ирагуу үгэнүүдые дуулан үргэгты!
9Үндэһэтэдые Бурхан захиран байна;
Бурхан нангин сэнтиидээ залараа.
10Арадуудай удамаршад
Абраһаамай Бурханай арад зон мэтэ суглараа!
Газар дэлхэйн ноёд Бурханда хандаа!
Бурхан бүгэдын дээгүүр үргэмжэлэгдөө!
Copyright information for
BxrBBL2024