‏ Psalms 53

(1 Хаан 23:19-28; 26:1-2)

1–
2[Дуунай бүлэгэй хүтэлбэрилэгшэдэ: хүбшэргэйтэ зэмсэгэй дууряалга доро. Зиипшүүд ерэжэ, Саулда «Бидэнэй дунда Давид хоргодожо байна» гэжэ хэлэхэ үедэнь Давидай зохёоһон ирагуу үгэнүүд.]
3Бурхан! Өөрын нэрээр намайе абарыт,
Өөрын хүсөөр хэрэгым шиидхыт.
 4Бурхан! Зальбаралым дуулыт,
аманһаам гарагша үгэнүүдые анхарыт.
 5Юуб гэбэл, хари зон урдаһаам эсэргүүсэн бодоол,
хэрзэгышүүл намайе алахаа бэдэрнэ.
Өөһэдын урда Бурханиие заладаггүйшүүл тэдэ мүн. [Хүгжэм]
 6Анхарыт, Бурхан минии туһалагша,
Эзэн ами наһым тэдхэнэ.
 7Тэрэ дайсадтам
муу муухайень харюулхал.

Үнэн сэхээрээ тэдэниие усадхыт!
 8Би дуратайгаар Танда үргэл үргэхэб,
Эзэн, Танай нэрые магтахаб,
юуб гэбэл, Та һайнта.
 9Юуб гэбэл, Та намайе бүхы гай зоболонһоо абараат,
дайсадайнгаа нюдэ руу айнгүй хараа бэлэйб.
Copyright information for BxrBBL2024