Psalms 63
1[Дуунай бүлэгэй хүтэлбэрилэгшэдэ: Давидай псалма.]2Бурхан! Минии дуу хоолой, зальбаралым дуулыт!
Дайсадһаа айнам! Ами наһым абарыт!
3Муу муухай зоной нюуса хэлсээнһээ,
гэмтэ муу зоной үймөөн буһалгаанһаа аршалыт!
4Тэдэ хэлэеэ һэлмэ мэтээр бүлюүдээ,
һурша номоо татан, хорото үгэеэ табихаа байна.
5Нюуса далда газарһаа гэм зэмэгүй хүниие харбахын тула.
Тэдэ гэнтэ харбаха, юунһээшье айхагүй.
6Тэдэ хорото зорилго хэхэеэ батаар хэлсээ,
урьха занга яажа табихаа хөөрэлдэжэ байна,
«хэн маанадые хараха юм?
7Нюуһан муу муухай хэрэгыемнай хэн обёорхоб даа» гэлдэнэ.
Хүниие нэбтэ, зүрхэнэйнь оёор хүрэтэр
харадаг Нэгэн энээниие хараха!
8Эзэн тэдээн руу годлиёо харбаха,
тэдэ гэнтэ шархатаха.
9Өөһэдынь хэлэн өөһэдыень усадхаха.
Энээниие харагша бүхы зон зайлаха.
10Зон угаа ехээр айха,
Бурханай юу үйлэдэһые тунхаглаха,
Тэрэнэй хэһээһые ойлгохо.
11Зүб шударга хүн хорохо газар
Эзэн дотор оложо баярлаха.
Сэбэр һэшхэлтэй бүхы зон
Тэрэниие магтан баясаха.
Copyright information for
BxrBBL2024