Psalms 66
1[Дуунай хүтэлбэрилэгшэдэ: хүбшэргэйтэ зэмсэгүүдэй дууряалга доро, псалма, дуун.]2Бурхан маанадые нигүүлэн хайрлаг,
юрөөг лэ!
Гэрэлтэ нюураа бидэндэ үзүүлэг лэ! [Хүгжэм]
3Тиигэбэл, Танай зам газар дэлхэй дээр ойлгосотой болохо,
бүхы үндэһэтэд абаралыетнай ойлгохо.
4Бурхан! Арадууд Таниие магтаг лэ!
Бүхы арадууд Танда магтаал үргэг!
5Яһатан баясан, хүхилдэн байг!
Арадуудые Та зүб шударга шүүхэт,
дэлхэйн яһатаниие захирхат.
6Бурхан! Арадууд Таниие магтаг лэ!
Бүхы арадууд Танда магтаал үргэг!
7Хүрьһэтэ газар ургаса үгэнэ.
Бурхан, манай Бурхан, маанадые юрөөг лэ!
8Бурхан маанадые юрөөг лэ!
Газар дэлхэйн бүхы хизаараар Тэрээнһээ айн байг лэ!
Copyright information for
BxrBBL2024