‏ Psalms 72

1[Асаапай псалма.]
Израильда Бурхан хэды һайн гээшэб, сэбэр сэдьхэлтэй зондо!

2Харин би хүлөө алдан,
бүдэржэ унан алдааб.
3Юуб гэхэдэ, муу муухай зоной һайн байхые харахадаа,
эдэ убайгүйшүүлдэ атаархааб.
4Үхэтэрөө тэдэ зобоногүй,
хүсэниинь бууранагүй.
5Тэдэ бусад зондол адли зобоно бэшэ,
зоной гай зоболон тэдэнэй бэшэ.
6Тиимэһээ бардамлахань тэдэнэй хүзүүнэй зүүлтэ болодог,
хүсэрхэл хубсаһаниинь болодог.
7Таргалжа нюдэниинь ониигоо,
хүсэл түсэбынь хизааргүй.
8Тэдэ баһажа, гүжэр үгэ тараадаг,
бардамлан дуугардаг.
9Амаа огторгой руу ангайн,
хэлэниинь газараар тэнэгшэ.
10Иимэ зоной хойноһоо арад түмэмни дагана,
дүүрэн адхан уһыень уунал!
11«Бурхан яагаад мэдэхэб даа?
Дээдэ Эзэн мэдэхэ юм аал?» –
гэжэ тэдэ хэлэнэ.
12Харыт, хорото муу зон ходо һайн байдалтай,
баялигаа арьбадхан байнал.
13Тиихэдээ би дэмы зүрхэеэ сэбэр байлгаа,
гэмгүй байһанай тэмдэг болгон гараа угаан байгаа гээшэ гүб?
14Үдэр бүри шархатуулжа,
үглөө бүри зобожо байгаа гээшэ гүб?
15Иигэжэ бодомжолжо байгаа гээшэ һаа,
Танай хүбүүдэй угай урда гэмтэй байха һэм.

16Юундэ иимэ гээшэб даа гэжэ ойлгохые би һэдээб,
энээнтэй эбсэхэнь намда хүндэ байгаа.
17Энэ Бурханай нангин газарта минии оротор үргэлжэлөө.
Тиихэдэл тэдэнэй эсэс болохые ойлгоо бэлэйб.
18Үнэндөө Та тэдэнэй харгые халтирхай болгохот,
тэдэниие һалгаахат, усадхахат.
19Хосоролынь гэнтэ ерэхэ!
Тэдэ үхэхэ, эсэсынь угаа муухай байха.
20Эзэн, хүнэй зүүдэнһөө һэридэгтэл,
Та тэдэниие һэргээжэ, юуншье бэшэ болгохот!
21Зүрхэ сэдьхэлэйнгээ үбдэхэдэ,
досоогоо зобожо байхадаа,
22мэдээгүй, ойлгосогүй,
Танай урда мал мэтэ байгааб.
23Харин би Тантай хододооб,
Та намайе гарһаам хүтэлөөд байнат.
24Зүбшэл үгэн, намайе хүтэлнэт,
удаань намайе һүр жабхалантай угтахат.
25Тэнгэридэ хэн бэшэ намда хэрэгтэйб?
Тантай хамта байхадам, газар дээрэшье хэншье намда хэрэгтэй бэшэл.
26Бэемни, ухаамни һалаха,
харин Бурхан – хэтэ мүнхэдөө
зүрхэнэймни хатуу түшэг тулгуубари, хубимни мүн!
27Танһаа холодогшод хосорхо, Танда урбаһан бүхы зониие хюданат.
28Би Бурханай хажуудаб, намда ехэ зохид.
Эзэн Бурхан хорохо газарни,
Танай үйлэ хэрэгүүдые тунхагланаб.