‏ Psalms 74

1[Дуунай бүлэгэй хүтэлбэрилэгшэдэ: «Бү усадхыт» гэдэг аялга. Асаапай псалма. Дуун.]
 2Бидэ Танда магтаал үргэжэ байнамди, магтанамди,
аманһаамнай Танай нэрэ унанагүй,
Танай гайхамшагта хэрэгүүдые тунхагланабди.
 Бурхан: 3– Би саг хугасаа тодорхойлхоб,
зүб зарга шүүбэри ябуулхаб.
 4Газар дэлхэй болон ажаһуугшадынь шэшэрэлдэн байна,
харин Би һуурииень бүхэлөөб. [Хүгжэм]
 5Би бардамлагшадта «Бү бардамлагты» гэнэб,
хорото муу зондо «хамараа бү үргэгты,
 6тэнгэри тулама тэдэниие бү үргэгты!
Толгойгоо омог бардамаар үргэн бү дуугарагты!» гэнэб.
 Псалма дуулагша: 7– Зарга шүүлгэ зүүн зүгһөө бэшэ, баруун тээһээшье бэшэ,
сүл губиһаашье бэшэ, хада уулаһаашье бэшэ ерэдэг.
 8Бурхан – Шүүгшэ! Нэгые панхаруутуулжа,
нүгөөдые үргэдэг.
 9Эзэнэй гарта аяга байна, тэрээн соо үзэмэй дараһан архи хөөһэрнэ.
Дэлхэйн хорото муу бүхы зондо тэрэниие аягалхадань,
тэдэ шабхарууень шахан ууха юм.
 10Харин би хэтэ мүнхэдөө магтаал дуулахаб,
Яковай Бурханда магтаал үргэхэб!
 Бурхан: 11– Хорото муу зоной эбэрнүүдые хухалхаб,
зүб шударга хүнэй эбэр дээшээ үргэгдэхэ!
Copyright information for BxrBBL2024