‏ Psalms 75

1[Дуунай бүлэгэй хүтэлбэрилэгшэдэ: хүбшэргэйтэ зэмсэгэй дууряалга доро. Асаапай псалма. Дуун.]
 2Бурхан Иудада алдартай,
нэрэнь Израильда агууехэ.
 3Шалээмдэ ▼
▼ Шалээм – Иерусалим.
 майхангынь бии,
Сиондо байрань оршодог.
 4Тэрэ тэндэ һурша номой годлинуудые,
бамбай, һэлмэ, дайнай зэбсэгүүдые хухалһан юм.

5Та алдартайт, мүнхэ хадануудһаа толорон байнат!
 6Зоригтой сэрэгшэд бэлэхэн олзо болоо,
унтаа, һэрихэгүй,
эрэшүүл хэнииньшье гараа хүдэлгэжэ шадаагүй.
 7Яковай Бурхан, Та тэдээн руу хашхараат,
дайшалхы тэргэнүүд, морид мүнхэ нойроор нойрсонхой.

8Та угаа һүрөөтэйт. Ууртай байгаа сагтатнай
хэн урдатнай байжа шадахаб даа.
 9Тэнгэриһээ Та зарлиг буулгаат,
газар дэлхэй айжа, аниргүй болоо,
 10дэлхэйн бүхы ядуушуулые абархаар
Бурханай шүүбэри хэхэеэ бодоһон үедэ. [Хүгжэм]
 11Уур хилэн дундаа Та зониие дэбһэнэт,
үлэһэн зон руу ууртай эрьенэт.

12Эзэн Бурхандаа тангариг үргэгты, сахигты.
Тойроод байгааша бүхы зон Аймшагтай Бурханда бэлэг баригты.
 13Тэрэ ноёдой һүр һүлдые номгоруулна,
дэлхэйн бүхы хаашуулда аймшагтай.
Copyright information for BxrBBL2024