Psalms 84
1[Дуунай бүлэгэй хүтэлбэрилэгшэдэ: Коорахай уг удамай. Псалма.]2Эзэн, Та Өөрын нютагта энэрхы хандаат,
Яковай арадые баряанһаа бусаагаат.
3Арад түмэнэйнгөө гэмые хүлисөөт,
бүхы нүгэлынь наманшалаат, [Хүгжэм]
4уурлахаа болёот,
дүрэлзэжэ байгаа уур хилэнгээ зайлуулаат.
5Манай абаралай Бурхан, бидэниие һэргээгыт,
маанадта уурлахаа болиит.
6Та маанадта хэтэдээ уурлан байха юм гүт,
үеһөө үедэ уур хилэнтнай дамжаха юм аал?!
7Танай өөһэдтэйнь байһанда
арад түмэнэйнгөө баясахын тула
маанадые дахин һэргээхэгүй юм гүт?!
8Эзэн, Өөрын энэрэл хайрые маанадта үзүүлжэ,
абаралаа бидэндэ үршөөгыт.
9Эзэн Бурханай юу айладахые дуулахаб.
Өөрын арад түмэндэ, Өөрын үнэн сэхэ,
тэнэг замаараа бэшэ ябахагүй зондо
Тэрэ амгалан тайбаниие тунхаглаха.
10Өөрыень хүндэлэгшэ зондо
абарал дүтэлөө.
Манай газар нютагта Алдар соло оршохол!
11Энэрэл хайра болон үнэн хамта уулзаха,
зүб шударга болон амгалан тайбан таалалдаха.
12Үнэн газарһаа ургажа,
зүб шударга огторгойһоо шэртэхэ.
13Иигэжэ Эзэн һайн һайханиие үршөөхэ,
газарнай үрэ жэмэс үгэхэ.
14Зүб шударга урдань ябаха,
зам табиха.
Copyright information for
BxrBBL2024