Psalms 107
(Псал 56:8-12; 59:7-14)
1[Дуун. Давидай псалма.]2Бурхан, зүрхэмни Тандаал үнэн сэхэ.
Дуу дуулахаб, магтаал татахаб! Сэдьхэлни!
3Ятага, морин хуур, һэриит!
Би үүрэй толониие һэреэхэб.
4Эзэн, арадуудай дунда Таниие алдаршуулхаб,
бүхы обогуудай дунда Таниие магтан байхаб.
5Юуб гэбэл, энэрэл хайратнай тэнгэриһээ дээгүүр,
үнэн сэхэтнай – үүлэ тулама.
6Бурхан, огторгойһоо дээгүүр үргэмжэлэгдыт,
бүхы дэлхэй дээгүүр алдар солотнай нэрьег лэ!
7Танда хайратай зоной амиды мэндэ үлэхын тула
баруун гараараа тэдэниие абарыт!
Маанадта харюу үгыт!
8Бурхан нангин үргөөдөө иигэжэ айладхаа:
«Угаа баярлан, Шэхээмые хубаахаб,
Суккоот нюруугай газар хэмжэхэб.
9Галаад – Минии, Мэнашшээ – Минии,
Эпрааим – толгоймни дуулга, Иуда – Минии баяг.
10Моһааб – угаалгын һабамни,
Эдоом руу гуталаа шэдэхэб.
Пилиштын дээгүүр шангаар хашхархаб!»
11Хэн намайе бүхэлэгдэһэн хото руу оруулхаб?
Хэн намайе Эдоом руу дахуулан абаашахаб?
12Бурхан, Та бидэнһээ буруу хараат,
сэрэгтэймнай хамта байлдаанда гаранагүйт!
13Хашагдаад байһан үедэмнай туһалыт,
зондо найдаха гээшэ худал.
14Бурханай туһаламжаар илахабди,
Тэрэ дайсадымнай диилэхэ.
Copyright information for
BxrBBL2024