‏ Psalms 109

1[Давидай магтаал дуун.]
«Бузар дайсадыеш хүл дорош дэбһүүлэн табитарни
баруун гар таладам һуугаарай», – гэжэ Эзэн минии Эзэндэ хэлээ.
 2«Дайсадайнгаа дунда захирагша боло», – гээд
Эзэн Сионһоо хүсэтэ баяг танда эльгээхэ.
 3Эзэнэй уур хилэнсэглэһэн тэрэ үдэр
арад түмэншни һайн дураараа байлдаанда гараха.
Эзэн айладхаа: «Нангин хаданууд дээрэ, шүүдэр мэтээр,
үүрэй толоной задархын урда тээ Би шамайе түрөөб».

4Эзэн тангариг үргөө, хэлэһэн үгэеэ ондоо болгохогүй:
«Мэлхицээдэгэй заяаһанаар
ши хэтын хэтэдэ санаарта байхаш».

5Эзэн баруун гараараа тангариг үргөө.
Хилэнтэ үдэрөө тэрэ бусад хаашуулые һамна бута сохихо,
 6үндэһэ яһатаниие шүүбэрилхэ,
бүгэдые хүүрээр дүүргэхэ,
үргэн дэлхэй дээрэ удамаршадые бута сохихо.
 7Замдаа горхонһоо Тэрэ ундалаад,
хүсэ шадалтай боложо,
түгэс илалта туйлаха.
Copyright information for BxrBBL2024