Psalms 111
1Эзэниие магтагты!א Алээп Эзэнһээ түбэгшөөдэг,
ב Бээт һургаал заабаринуудтань угаа ехэ дуратай хүн юрөөлтэйл!
ג Гиимэл 2Тэрэнэй үри һадаһад дэлхэй дээрэ хүсэ шадалтай байха,
ד Даалэт сэхэ шударга зоной уг удам юрөөгдэхэ.
ה Һээ 3Эд зөөри ба баялиг гэртэнь байха,
ו Ваав зүб шударгань хэтэ мүнхэдөө оршохо.
ז Заайин 4Үнэн сэдьхэлтэй зондо харанхыда гэрэл сасардаг.
ח Хээт Эзэн хадаа нигүүлэсхы, үреэлтэй, зүб шударга.
ט Тээт 5Һайн хүн нигүүлэсхы сэдьхэлтэй, зээлеэр үгэдэг,
י Ёд зарга шүүбэридэ зүб шударгаар хэрэгээ баталдаг.
כ Каап 6Тэрэ хэтэ мүнхэдөө ганхахагүй,
ל Лаамэд зүб шударга хүн хэтэ мүнхын алдар солотой.
מ Мээм 7Тэрэ муу мэдээнһээ айхагүй,
נ Нүүн зүрхэ сэдьхэлынь Эзэндэ бата этигэнэ.
ס Саамэх 8Зүрхэниинь амгалан,
ע Аайин айнгүй тэрэ дайсадайнгаа урдаһаа харана.
פ Пээ 9Тэрэ үгытэй дуталдаһан зондо элбэг дэлбэгээр тараажа үгөө.
צ Цадээ Зүб шударгань хэтын хэтэдэ оршохо,
ק Кооп толгойгоо омогоор өөдэнь үргэхэ.
ר Рээш 10Хорото һанаата хүн хаража, атаархаха,
ש Шиин шүдөө хабирха, хайлан һалаха.
ת Таав Хорото зоной хүсэл бэелүүлэгдэхэгүй.
Copyright information for
BxrBBL2024