Psalms 112
1Эзэниие магтагты!Эзэндэ магтаал үргэгты!
Эзэнэй зарасанар, магтагты,
Эзэнэй нэрэ магтагты.
2Энэ сагһаа эхилээд, хэтэ мүнхэдөө
Эзэнэй нэрэ үреэгдэхэ болтогой!
3Наранай мандахаһаа эхилээд, жаргаха хүрэтэрынь
Эзэнэй нэрэ магтагдана.
4Эзэн бүхы үндэһэтэд дээгүүр,
алдар солонь тэнгэри дээгүүр.
5Эзэн Бурхантаймнай хэниие сасуулмаар бэ?
Үндэртэ заларжа,
6тэнгэри болон газарые харахаяа Тэрэ тонгойно.
7Тэрэ үгытэй хүниие шорой тооһонһоо үргэнэ,
ядуу хүниие үнэһэнһөө үндылгэнэ.
8Энэ хадаа түшэмэлнүүдтэй хамта,
арад түмэнэйнгөө түшэмэлнүүдтэй тэрэниие һуулгахын тула юм.
9Тэрэ хүүгэдгүй эхэнэрые
хүүгэдтэй жаргалтай эхэ болгон гэртэнь ажаһуулгана.
Эзэндэ магтаал үргэгты!
Copyright information for
BxrBBL2024