Psalms 119
1[Үгсэлгын дуун.]Би зоболон дундаа Эзэндэ хандан хашхарааб,
тиихэдэм Тэрэ намайе дуулаа.
2Эзэн, намайе худалша аманһаа,
худал хуурмаг хэлэнһээ абарыт!
3Худал хуурмаг хэлэн, шамда ямар олзо бэ,
юун нэмэри болохоб?!
4Шатажа байгаа нүүрһэтэй
сэрэгшэ хүнэй хурса годли!
5Мээшэхтэ хариин хүнэй байһандал,
Кэдаарай майхангуудай дунда һууһандаал
би гай гасалантайб.
6Амар амгалан байдал үзэн ядагшадай дунда
удаан сагта һуунаб.
7Амгалан тайбан тушаа хэлэхэдэм,
тэдэ дайн дажар тушаа хэлэнэ.
Copyright information for
BxrBBL2024