Psalms 121
1[Давидай зохёоһон үгсэлгын дуун.]«Эзэнэй нангин үргөө руу ябая» гэхэдэ,
би баярлааб.
2Иерусалим, хүлнүүднай
шинии бартаанууд руу орожо байна.
3Дахяад байгуулагдаһан хото Иерусалим!
Зон хамта эндэ суглардаг,
4тиишээ обогууд, Эзэнэй обогууд,
Израилиин тогтоолой ёһоор үгсэн гарадаг,
Эзэнэй нэрые магтан, талархал үргэдэг.
5Эндэ зарга шүүбэриин сэнтиинүүд,
Давидай хан түрын сэнтиинүүд табяатай.
6Иерусалимай амар амгалан амидархын түлөө зальбарагты:
«Шамда дуратайшуулда үлзы хутаг оршохонь болтогой!
7Амар амгалан шинии хана хэрэм дотор,
үлзы хутаг ордонгууд соошни байхань болтогой!»
8Аха дүүнэрэйнгээ болон анда нүхэдэйнгээ түлөө
«Амар амгалан байхашни болтогой!» гэжэ хэлэнэб.
9Эзэн Бурханаймнай нангин үргөөгэй түлөө
«Һайн байгаарай!» гэжэ би зальбарнаб.
Copyright information for
BxrBBL2024