Psalms 123
1[Үгсэлгын дуун. Давидай зохёоһон.]«Эзэн бидэнтэй байгаагүй һаань, – гэжэ Израиль хэлэг лэ, –
2Зоной маанадай урдаһаа бодоходо
Эзэн бидэнтэй байгаагүй һаань,
3урдаһаамнай уур хилэнгэйнь дүрэлзэхэ үедэ
тэдэ бидэниие амидыгаар залгиха байгаал!
4Иигэжэ ехэ уһан маанадые хамажа,
үер бидэниие абаха һэн.
5Иигэжэ дошхон уһан маанадые шэнгээн абаха бэлэйл».
6Маанадые тэдэнэй шүдэндэ таһа жажалуулахаар үгөөгүй
Эзэн магтаалтай!
7Бидэ шубууд мэтэ баряашадай урьхаһаа мултаран зугадаабди.
Урьха таһараа, бидэ абарагдаабди.
8Бидэнэй туһаламжа –
тэнгэри ба газар бүтээһэн Эзэнэй нэрэ!
Copyright information for
BxrBBL2024