Psalms 125
1[Үгсэлгын дуун.]Эзэн Сионой баряанда байгаашадые бусааха үедэнь
бидэ зүүдэ хаража байгааша зондол адли байгаа бэлэйлди.
2Амамнай энеэдээр, хэлэмнай баяртай дуугаар дүүрээ бэлэй.
Тиихэдэ арадууд маанадые харан: «Эзэн тэдэнэй түлөө агууехэ хэрэг хээ» гээ.
3Тиимэ, Эзэн маанадай түлөө агууехэ юумэ үйлэдөө.
Бидэ баярлажа байгаабди.
4Эзэн, урда зүгэй гол горхон мэтээр һэргээн,
баряанда байгаашадыемнай бусаагыт.
5Нёлбоһо урасхуулан үрэ таряашад
баяртай ургаса хуряаха юм.
6Үрэтэй уутаа үргэн, уйлан ябааша нэгэн
багсалһан таряагаа үргэн, баяртай бусахал.
Copyright information for
BxrBBL2024