‏ Psalms 137

1[Давидай зохёоһон.]
Бүхы сэдьхэл зүрхөөрөө Танда магтаал үргэнэм,
«бурхадай» урда Танда магтаал дууланам.
 2Танай нангин үргөө руу харан һүгэдэнэм,
энэрэл хайрынтнай, үнэн сэхынтнай түлөө
нэрэдэтнай магтаал үргэнэм.
Юуб гэбэл, бүгэдын дээгүүр Өөрын нэрэ, Өөрын үгые Та үргэмжэлөө бэлэйт.
 3Минии дуудаха үдэр Та намда харюусаат,
һүр һүлдыем шанга болгонот.
 4Эзэн, айладхалыетнай дуулагша дэлхэйн бүхы хаашуул
Танда магтаал үргэхэ.
 5Эзэнэй харгы зам тухай тэдэ дуулаха,
юуб гэбэл, Эзэнэй алдар соло агууехэ.
 6Эзэн хэды дээгүүр үндэршье һаа,
дорой байдалтай хүниие анхардаг,
бардам хүниие холоһоошье мэдэдэг.
 7Зоболонгой дунда минии ябаашье һаа,
Та намайе амидыруулхат,
дайсадайм уур хилэнгэй урдаһаа гараа һунган һарбайхат,
баруун гартнай намда абарал асарха.
 8Эзэн минии түлөө үһөөгөө абаха!
Эзэн, энэрэл хайратнай хэтэ мүнхын,
Өөрын гараар бүтээгшэ бүтээлнүүдээ бү орхиит.
Copyright information for BxrBBL2024