Psalms 141
(1 Хаан 22:1-2)
1[Ирагуу үгэнүүд. Агы нүхэндэ байхадаа Давидай зальбарһань.]Эзэниие шангаар дууданам,
Эзэндэ шангаар зальбарнам.
2Урдань гомдолоо урасхуулнам,
зоболонгоо Тэрээндэ хөөрэнэм.
3Һүлдымни һуларха үедэ Эзэн замым мэдэжэ байгаа.
Ябаха харгыдам намайе торгохоор
урьха нюусаар намда табигдаһан байгаа.
4Баруун тээшээ эрьежэ харанам – хэншье намайе танинагүй,
хорохо газар намда үгы,
ами наһамниш хэндэшье хэрэггүй.
5Эзэн, би Таниие дуудан иигэжэ хэлээб:
«Та хадаа минии хорохо газар,
амидын газарта минии хуби мүн!»
6Хашхаран байгааша хоолойем соносыт!
Юуб гэбэл, би ехэ туляаб.
Харшалагшадһаамни намайе абарыт,
юуб гэбэл, тэдэ намһаа хүсэтэй.
7Шоронһоо намайе хүтэлэн гаргыт,
нэрыетнай магтан дуулахалби.
Намда эелдэрээр хандахадатнай
зүб шударга зон хажуугаарни сугларха.
Copyright information for
BxrBBL2024