Psalms 143
1[Давидай зохёоһон.]Гарыем дайлалдахада,
хургыем тулалдахада һургадаг,
минии Хабсагай болохо Эзэн магтаалтай!
2Тэрэ хадаа энэрэл хайрам, тулгуурни,
бүхэлэлтэм ба минии абарагшам,
минии бамбай ба минии найдал,
арад зониием намаар захируулагшамни мүн.
3Эзэн, хүн гээшэ юун байһандань
Та тэрээн тушаа һанаагаа табинабта?
Хүнэй хүбүүн гээшэ юун байһандань
Та тэрээн тушаа бодонобта?
4Хүн гээшэ нэгэ амисхал мэтэ,
үдэрнүүдынь үнгэржэ байгаа һүүдэр мэтэ.
5Эзэн, тэнгэринүүдээ тонгойлгоод доошоо буугыт,
хадануудта гар хүрыт, утаан гараг.
6Сахилгаа сахилуулжа, дайсадые тараагыт,
годлинуудаа харбажа, тэдэниие тэрьедүүлыт.
7Үндэрһөө гараа һунгажа,
намайе гүнзэгы уһанһаа,
хариин зоной гарһаа абарыт.
8Тэдэнэй аман худал хэлэдэг,
баруун гарынь буруу юумэ хэдэг.
9Бурхан! Би Танда шэнэ дуу дуулахаб,
арбан миндаһата ятагаар хүгжэмлэн Таниие магтахаб.
10Та хаашуулда абарал хайрланат,
Өөрын зараса Давидые хэрзэгы һэлмэһээ абарнат.
11Аманиинь худал хэлэдэг,
баруун гарынь буруу юумэ хэдэг
хариин зонһоо намайе абаран сүлөөлыт.
12Хүбүүднай ургажа байгаа залуу ургамал мэтэ,
басагаднай ордоной шэмэг бахана мэтэ байг лэ.
13Һарабшанууднай элдэб янзын таряа будаагаар дүүрэн,
хонин һүрэгүүднай бэлшээри дээрэ мянга, түмэнөөр үрэжэхэнь болтогой!
14Манай үхэр һүрэгүүд шанга,
үхэлгүй, түл хаялгүй байг лэ!
Гудамжануудаарнай хашхараан бү гараг!
15Иимэ арад түмэн юрөөлтэйл!
Эзэниие өөһэдын Бурхан болгоһон арад түмэн юрөөлтэй!
Copyright information for
BxrBBL2024