Psalms 145
1Эзэниие магтагты!Сэдьхэлни, Эзэниие магта.
2Амиды байхадаа Эзэниие магтан байхаб,
байгаа сагтаа Бурханаа магтан дуулахаб.
3Ноёд һайдта бү этигэгты,
хүндэ бү этигэгты, тэрэ абаржа шадахагүй.
4Һүнэһэнэйнгөө зайлахадань тэрэ газартаа бусаха,
тэрэл үдэртөө бодолынь үгы болодог.
5Яковай Бурханиие өөрын туһалагша болгон,
өөрын Эзэн Бурханда найдагшад угаа юрөөлтэй.
6Тэрэ огторгой, газар, далай бүтээгээд,
досоонь байгааша бүхы юумэ байгуулаа.
Тэрэ үнэн сэхэеэ хэтэ мүнхэдөө сахин,
7дарлагдагшадта шударга ёһо ябуулжа,
үлэсхэлэн зондо эдеэ хоол үгэдэг.
Эзэн баряанда байгаашадые сүлөөдэ табидаг.
8Эзэн һохор зондо хараа үршөөдэг,
Эзэн һэхэрэн бүхыгшэдые бодхоодог,
Эзэн зүб шударга зондо дурладаг.
9Эзэн ерүүл зониие аршалдаг,
үншэн хэнзэдэ, бэлбэһэн эхэнэртэ туһалдаг,
харин хорото муу зониие төөрюулдэг.
10Сион, шинии Бурхан болохо Эзэн
хэтэ мүнхэдөө, үеһөө үедэ хааншалан байха.
Эзэниие магтагты!
Copyright information for
BxrBBL2024