Psalms 146
1Эзэниие магтагты!Манай Бурханда магтан дуулахань һайн,
магтахань таатай болон зохид байна.
2Эзэн Иерусалимые бодхоон баридаг,
Израилиин таран бутараашадые суглуулдаг.
3Тэрэ эмтэрһэн зүрхэтэй зониие аргалжа,
шархыень боон уядаг.
4Тэрэ одо мүшэдые тоолодог,
тэдэ бүгэдэдэ нэрэ үгэдэг.
5Манай Эзэн агууехэ,
хүсэ шадалынь угаа ехэ,
оюун ухааниинь хизааргүй.
6Эзэн тулигшадта түшэн туһалдаг,
хорото муу хүниие доошонь унагаадаг.
7Эзэндэ магтаал дуу дуулагты,
манай Бурханда ятагаар хүгжэмлэн дуулагты.
8Тэрэ тэнгэриие үүлээр бүрхөөдэг,
газар хүрьһэндэ бороо эльгэдэг,
хада уула дээрэ зүлгэ ногоо ургуулдаг.
9Гэрэй амитадта, хирээгэй хаахирагша дальбараануудта
хоол хүнэһынь үгэдэг.
10Тэрэ мориной хүсэ шадал харадаггүй,
хүнэй хүлэй хурданииешье сэгнэдэггүй,
11Өөрһөөнь түбэгшөөгшэдые,
Өөрынь энэрэл хайрада найдагшадые анхаран эльгэлдэг.
Copyright information for
BxrBBL2024