Psalms 148
1Эзэниие магтагты!Эзэниие тэнгэриһээ магтагты,
Тэрэниие үндэртэ магтагты!
2Бүхы Эльгээмэлнүүдынь, Тэрэниие магтагты,
бүхы сэрэгынь, Тэрэниие магтагты!
3Наран ба һара, Тэрэниие магтагты!
гэрэлтэй бүхы одо мүшэд, Тэрэниие магтагты!
4Эгээл дээдэ тэнгэринүүд ба тэнгэриин дээрэ уһаншье Тэрэниие магтагты!
5Тэдэ Эзэнэй нэрэ магтан байг лэ,
юуб гэбэл, Тэрэнэй захиралтаар тэдэ бүтээгдэнхэй.
6Тэрэ тэдэниие хэтэ мүнхэдэнь табиһан юм.
Тэрэ хэзээдэшье зүршэгдэхэгүй хуули үгөө.
7Газар дээрэһээ Эзэниие магтагты,
далайн амитад ба далай гүн уһан,
8гал ба мүндэр, саһан ба манан,
үгыень дүүргэдэг шуурга һалхин,
9бүхы хада ууланууд, толгойнууд,
алим жэмэстэ модод ба хушанууд,
10зэрлиг ба гэрэй амитад,
мүлхидэг амитад ба жэгүүртэн.
11Дэлхэйн хаашуул, бүхы арадууд,
түшэмэл ноёд, дэлхэйн бүхы заргашад,
12хүбүүд, басагад, бага, хүгшэн, залуугүй,
13тэдэ бултадаа Эзэнэй нэрэ магтан дуулаг.
Юуб гэбэл, Тэрэнэй нэрэ юунһээшье дээгүүр үргэмжэлэгдэнхэй,
һүр жабхалангынь дэлхэй дээрэ, тэнгэридэшье мүн.
14Тэрэ Өөрын арадай эбэрые дээгүүр үргөө.
Энэнь Тэрэнэй бүхы үнэн сэхэ зоной,
Тэрээндэ ойро болохо Израилиин арад түмэнэй түлөө магтаал бэлэй.
Эзэниие магтагты!
Copyright information for
BxrBBL2024