‏ Psalms 22

1[Давидай псалма.]
Эзэн болбол минии хонишон.
Би юугээршье дутахагүйб.
 2Тэрэ намайе ногоон бэлшээри дээр хэбтүүлжэ,
амгалан уһан руу хүтэлэн абаашадаг.
 3Тэрэ минии урма зоригые бадараадаг.
Тэрэ найдуулһанайнгаа ёһоор, зүб замаар намайе хүтэлдэг.
 4Үхэлэй харанхы хүндыгөөр ябабашье,
хорото мууһаа айхагүйб,
юуб гэбэл, Та, Эзэн, намтай хамта байнат.
Танай һабаа, Танай баяг намайе хамгаалан,
амар амгалан байлгана.
 5Дайсадайм хараһаар байтар
урдамни зоогой шэрээ бэлдэбэт.
Та намайе хүндэлэн ёһолбот,
аягым билтарма дүүргэбэт.
 6Танай Һайн һайхан болон хайра энэрэл
наһанайм туршада намайе хододоо дахан ябаха.
Эзэнэй үргөө соо би удаан сагта оршохоб.
Copyright information for BxrBBL2024