‏ Psalms 25

1[Давидай зохёоһон.]
Эзэн, үнэн сэхээр ябаалби,
зарга хэрэгыем зүб шиидхыт.
Хайшаашье гуйбангүйгөөр
Тандал найданаб.
 2Эзэн, намайе шалгыт, туршыт!
Сэдьхэл зүрхым, бодолнуудым шалгыт.
 3Танай энэрэл хайра урдам эли тодо,
Танда үнэн сэхээр ябанам.

4Худалша хуурмаг зонтой хамта һуухагүйб,
олон зантайшуултай хамта ябахагүйб.
 5Хорото һанаатайшуулай суглааниие үзэн яданаб,
муу муухай зонтой хамта һуухагүйб.
 6Гэмгүй байһанаа элирхэйлэн гараа угаахаб,
Үргэлэй шэрээетнай гороолон ябахалби, Эзэн.
 7Һайнта даа гэжэ шангаар магтан дуулахаб,
Танай гайхамшагта хэрэгүүдые тунхаглахаб.

8Эзэн! Танай нангин үргөөдэ,
алдар солынтнай оршодог газарта дуратайб.
 9Нүгэлтэнтэй хамта,
алууршадтай хамта намайе бү усадхыт.
 10Тэдэ улаан гараараа хорото муухай хэрэгүүдые хэдэг,
гарынь эдилгээр дүүрэнхэй.
 11Харин би үнэн сэхээр ябанам,
намайе абарыт, хайрлыт!

12Хүлнүүдни тэгшэ газарта зогсоно.
Зоной дунда Эзэниие үреэн магтанам!
Copyright information for BxrBBL2024