Psalms 31
1[Давидай ирагуу үгэнүүд.]Гэмынь хүлисэгдэһэн болон
нүгэлынь наманшалагдаһан хүнүүд жаргалтай юм!
2Гэмтэй гэжэ Эзэнэй тоолодоггүй,
мэхэ гохогүй хүн жаргалтай юм!
3Юуб гэбэл, гэмээ мэдэрэнгүй дуугүй байхадам,
яһамни үйрэн бутаржа, бүхэлиин үдэр хашхардаг бэлэйб.
4Үдэр, һүнигүй гартнай намайе хүндөөр даража,
шэмэ шүүһэмни зунай ганда мэтэ хатадаг һэн. [Хүгжэм]
5Би Танда нүгэлөө нюунгүй хэлээб,
гэмээ нюужа байгаагүйб;
«Гэмээ Эзэндэ дуулгахам» гэжэ хэлээб,
тиигээд Та минии гэм зэмые арюудхаат. [Хүгжэм]
6Тиимэһээ үнэн шударга хүн бүхэн Танда
гай тодхорой үедэ зальбараг лэ,
тиигэбэл, ехэ уһанай үер тэдэндэ хүрэхэгүйл.
7Та бол минии хорохо газар, намайе зоболонһоо аршалнат,
Та намайе абараат, иигэжэ тойроод намайе – энээн тушаа баяртай дуун! [Хүгжэм]
8«Би шинии ябаха ёһотой замые заажа үгэхэб, һургахаб,
зүблэл үгэхэб, хойноһоош хаража ябахаб.
9Хазаар ногтоор ооһорложо баряагүй һаа,
тан руу дүтэлэн ерэдэггүй ухаагүй адуун,
али луус шэнги бү бай» гэжэ Эзэн айладхана.
10Хорото муу хүндэ зоболон тодхор олон,
харин Эзэндэ этигэдэг хүниие хайра дуран хүреэлэн байдаг.
11Зүб шударга зон Эзэндэ баярлан, баясан байха,
сэхэ зантай бүхы зон һайндэрлэхэ!
Copyright information for
BxrBBL2024