Psa 42 | BxrBBL2024 | STEP | Бурхан, минии шүүгшэ боложо, зарга хэрэгыем шүүгыт. Худалша, үнэн шударга бэшэ зонһоо намайе абарыт.

‏ Psalms 42

1 Бурхан, минии шүүгшэ боложо,
зарга хэрэгыем шүүгыт.
Худалша, үнэн шударга бэшэ зонһоо
намайе абарыт.
2 Та хадаа минии Бурхан,
минии хүсэ шадал мүн!
Юундэ Та намайе орхёобта?
Юундэ би дайсанай доромжололһоо боложо
гашуудан голхорон ябанабиб?
3 Гэрэл туяагаа, үнэнөө эльгээгыт!
Тэдэ намайе хүтэлжэ,
нангин хада руутнай, үргөө руутнай асараг лэ!
4 Баяр, хүхюу байдал үршөөдэг Бурханай
үргэлэй шэрээдэ дүтэлэн ошохоб.
Ятагаар хүгжэмлэн, Танда, Бурхандаа,
өөрын Бурхандаа, магтаал үргэхэб.

5 Сэдьхэлни, юундэ сүхэрэн байнабши,
юундэ уйданабши?
Бурханда найдаарай, би Тэрээндэ магтаал үшөө үргэхэб.
Тэрэ минии Абарагша, минии Бурхан мүн!