Psalms 47
1[Дуун. Псалма. Коорахай уг удамай зохёоһон.]2Агууехэ Эзэн Бурханаймнай хото соо,
нангин хада дээрээ угаа магтагдана.
3Үзэсхэлэнтэ һайхан үндэр, бүхэдэлхэйн баяр болохо
Сион хада, Цапооной ташалангууд,
агууехэ Хаанай хото.
4Тэрэнэй бүхэлэлтэнүүдээр Бурхан Өөрыгөө
хүсэтэй Хамгаалагша гэжэ танюулаа.
5Юуб гэбэл, харыт, хаашуул хамтаржа,
хамтадаа ябан үнгэрбэ.
6Тэдэ хараад, гайхаба,
айн, зугадан тэрьедэбэ.
7Тэдэ шэшэрэлдэбэ,
түрэжэ байгаа эхэнэр мэтэ ехэ үбдэбэ,
8Таршиишэй онгосонуудые дорно зүгэй һалхинай
урбалдуулдаг мэтэ.
9Маанадай соносогшо юумэн
Түмэн Сэрэгтэ Эзэнэй хото соо,
бидэнэй Бурханай хото соо, үнэн!
Бурхан тэрэ хотые хэтэ мүнхэдөө байгуулаа.
10Бурхан, бидэ Танай нангин үргөөгэй дунда
Танай хайра энэрэл тушаа бодоо бэлэйлди.
11Бурхан, Танай нэрэ болон алдар
газар дэлхэйн хизаар хүрэтэр мэдээжэ.
Танай гар зүб шударгаар дүүрэнхэй.
12Сион хада баясаг лэ,
Иудын хото һууринууд
Танай зүб зарга шүүбэридэ баярлаг лэ.
13Сиониие тойрон ябагты, гороологты,
самхагуудынь тоологты.
14Хойто үедөө дамжуулан хөөрэхын тула
хэрэмүүдынь ухаандаа хадуужа абагты,
ордонуудаарнь ябагты.
15Юуб гэхэдэ, энэ Бурхан хэтын хэтэдэ манай Бурхан,
Тэрэ маанадые үхэн үхэтэрнай хүтэлхэ.
Copyright information for
BxrBBL2024